Oops! It appears that you have disabled your Javascript. In order for you to see this page as it is meant to appear, we ask that you please re-enable your Javascript!

Salai Van Lian Thang Nih I Hruainak, Phungphai, Meeting Kong Leadership Training Apek Mi

Leadership Training (Nov. 2017) ah an ka sawm i tlangtar pathum in nikhat chung ka chim ve.

☞ Hruainak– “Leadership” Umtuning

☞ Phungphai le Buu Umtuning

☞ Meeting Hruaining le Tuahning, an si.

Tutan thlahmi power-point hi a dot 1nk ka chimmi “Hruainak– Leadership Kong” asi.

Rel duhmi nan um cun hnuah a tangmi pahnih zong kan thlah te lai.

Laimi hi bu dirh kan i fawih ngai bantukin bu khuai zong kan i fawih ngai ve tawn. Tulio cu hi pathum hi kan herh rua, ka ti.

1) Hruainak ah kan bau deuh

Laiholh biafaang ah “hruainak” timi nih ”Leadership” (ေခါင္းေဆာင္မူ)၊ “Administration” (အုပ္ခ်ဳပ္မူ)၊ ”Management” (စီမံခန္႔ခြဲမူ) pathum khi a huap ngai.

Hi pathum ah a cakmi nih Khrihfabu member 30,000 hmanh oltein an hruai ko.

A tlangpi in hi pathum ah Laimi hruaitu tampi cu tha a der tawn. Kan study huam lo. Kan i tat huam lo. Kan thi ah a um fon lo. Tikah member za tling lo hmanh, hruai a har tawn.

2) Bu ah phung upadi a nung lo

Hruainak––– ”Leadership”, “Administration”, ”Management” pathum ah a thi kalmi le a cakmi poh hruainak phung upadi loin an um thiam lo, an kal thiam lo.

Ningcang tein bu hruai an duh. Mumal loin bu kalpi an duh lo. Phung cu: Pathian pekmi, bu caah a 2nk Bible, hruaitu le member karah hnatlaknak sachok (covenant) a si i, buar a thiang lomi asi.

Nain, bu hruaitu tampi cu hruainak phung an rem lo. Rel zong an rel huam lo. Hnanok thil hnaah an ruah theo. Anmah siarem ningin bu hruai kha an duh tawn.

Hruainak phung cu dawh tein an suai i bizu chungah an chiah, an i hruaining tak tu cu a dangpiin a tlacop in an kal.

Chel ah bizu chung i cu an hei bih pah. Nain, “letter of the law” lawng an tlai i “spirit of the law” an tlai hoi ti lo. Tikah an “interpretation” cu a ping le a pang in a choi tawn.

Hhruainak phung upadi nih a takin bu chungah nunnak le tthawnnak (enforcement) hmual a ngeih lo tikah bu pical ngaiah an cang kho theo lo. An tthat lio cun an ttha nain an buai cang hnucun a dih bak ve––a tlai kho tu hna thil a um ti lo.

3. Structure, Plan & Budget

Laiholh ah Inn, Lo, Thilri ti a um. Minung caah Inn locun khua aa sa kho lo. Lo tuah loin a si kho lo. Thilri le chawva (resources) loin a si kho fawn lo.

Laimi tampi cu bu kan dirh, kan bu tungtlang (structure) cu a ttha ko. Thilri le chawva (resources) zong kan ngei ko. Nain, lo kan tuah lo. Plan le Project kan ngei mumal lo.

Cheukhat nih lo bi te cu kan tuah. Cheukhat nih kaupi kan ihmaithlak, nain lo a kaumi delivery nakah a herhmi knowledge, competencies le skills nih a phan hoi ti lo. Tikah lo kaupi tuah tikah mual a pho tawn. Khat le khat i mawhchiat le i siknak hna a phan tawn.

Cu bantuk lo kaupi deliver nakah company hna ahcun professional staffs tampi an ngei. Laimi tampi cu unfit hruaitu tu tampi ngei nain smart staffs kan ngei hoi ti lo.

Zualhma deuhmi ahcun tampi cu structure zong an piang lo, Plan le Budget zong an suaisam thiam lo.

Laimi buu hrim ahhin Plan & Budget mumal ngei tein le professional tein a kalpimi hi kan har ngai. Tikah bu pical ngai hi kan tlawm tawn.

Hruaithiamnak hi cu Laimi nih kan herh khun in ka thei.

Rel ve cio te uh.

Salai Van Lian Thang
16-03-19

Leave a Reply

Your email address will not be published. Required fields are marked *