Oops! It appears that you have disabled your Javascript. In order for you to see this page as it is meant to appear, we ask that you please re-enable your Javascript!

Hlasak Thiam Hlawn Sung Te Chungkhar Dam Tein An Hung Chuak Lang Kho

Hlasak thiam Hlawn Sung te chung dam tein Christmas an hmang kho

Chinmi chungin hlasak thiam Hlawn Sung te chung zong tukum 2018 Christmas cu dam tein an hmang kho ve.

Hlasak thiam Hlawn Sung cu pasal a ngeih hlan ah Chinmi nih hlasak lei ah kan hman tukmi a  si. Lai zuunhla, ram hla le Pathian hla tiin hla  tampi a kan sak piaktu a  si. Lai luungrawn Vol-2 ah Lai Lungrawn timi hla a sak mi le bang cu Laimi kan hla ah a  tha a tha taktak mi a si i philh a um kho lomi hla a si.

Pasal a hun ngeih hnu in inn chungkhar dang te he Yangon, Hlaingtaya ah khua an sak i Chin mipi sinah a chuak lang kho tuk ti lo. A tu fapa duhnung Elaijah an ngei i chungkhar nuam tein khua an sa. Fapa an ngeihnak thla khat fai te lawng an si rih. An chungkhar tein Christmas dam tein an hung phan kho i Biakinn lam an panh kho. Mipi sinah an hung lang kho.

Hlasak thiam Hlawn Sung cu hlasaknak in Singapore, New Delhi, Malaysia ( voi 4 ) Australia hna a phan cang.

Bawipa nih an chungkhar in lam hruai zungzal hna sehlaw hla thar zong kan chuah piak than ko seh ti kan duh ko hih.

Leave a Reply

Your email address will not be published. Required fields are marked *