Oops! It appears that you have disabled your Javascript. In order for you to see this page as it is meant to appear, we ask that you please re-enable your Javascript!

Abraham Nih Afapa Ngeihchun Isak Thawinak

Abraham Nih Afapa Ngeihchun Isak Thawinak
***************************************************
Abraham tuanbia hi nan theih cio dih mi a si ko nain, ka nunnak ah a um tuk i ttial loin ka um kho i ka van langhter tthan ve. A ttial dan le chim dan zong ka thiam lai lo nain ka nun um mi te kha ka van ttial ve lai i a reltu nan dihlak cung tu ah ka ttial duh nak tu hi Bawipa nih a thiang thlarau hmangin in fian ter ko hna seh.

Abraham cu zumhnak fek in a nung mi a si pin ah Pathian nawl ngai in a nung mi a si caah Pathian nih bia a kamh mi zong zumhnak in a hngak mi pa a si caah a tar hnu ah Abraham cu Pathian fapa Isak a pek. Cu hnu tlawm pal ah Pathian nih Abraham cu a hneksak i na fapa Isak hi raithawinak ah ka pe tiah a hal tthan.

Abraham nih cun lungawttawm nak lungthin zeihmanh ngei lo tein a fapa ngeihchun Isak cu raithawi ding in Bawipa nih a hal bantuk in Moriah tlang ahcun thawi ding in a kal pi. Raithawi nak hmun cu an phan i lung kha a pumh hna i cu cung ahcun thing an i ken mi kha a chiah i cu cung ahcun a fapa Isak cu a kut le a ke kha hri in a ttem i a ih ter cun a nam a zuh i ka sawh lai a van ti ah khin Bawipa vancung mi nih Abraham, Abraham na fapa Isak cungah na kut zeihmanh thla hlah tiin an van chawnh i na fapa ngeihchun hmanh raithawinak pek dingah uii loin pek sian loin na ka um caah Pathian nawl ngaih cu na duh ngai ngai ti cu ka hngalh caah na fapa can ai ah tuukawng pakhat kan pek i mah cu khanghthawinak caah cun hmang tiah a ti i cu tuukawng cu khanghthawinak ahcun a hman. Amen 🙏🙏

GENESIS 22:9

Bawipa nih a chimhmi hmun kha an phak tikah, Abraham nih biakṭheng pakhat a ser i a cungah thing kha a chiah. A fapa cu a ṭem i biakṭheng cung thing cungah cun a chiah.

Hawidawt hna nang le kei teh Abraham bantuk in kan zumhnak hi a fek ve maw? Bawipa nih kan pum chung i a um mi thil hi a kan hal tikah pe siang loin maw ka i ken ko rih lai hawidawt. Abraham cu a fapa Isak kha raithawinak dingah a hal i a hal bantuk tein Abraham nih cu a pek.

Bawipa nih nang le kei a kan hal mi cu kan thinlung ruahnak hna le kan nun ziaza a ttha lo mi le a dawh lomi kha a kan hal. Thinlung ttha pu hna sehlaw, ruahnak ttha keng hna sehlaw, an nun a thur hnawmh tertu rithai nak le zuk hmawm vialte kha hlaw dih hna sehlaw zumhawktlak tein ka hmaiah nung hna seh ti hi Pathian nih a kan duh piak mi a si. Bawipa nih nifatin a kan hal mi hi pek caan cu ve cang lo maw hawidawt na nunnak kha ruat tthan ve hmanh.

Abraham kha Pathian nih a fapa kha raithawinak caah a hal i a hal bantuk tein sian lo nak ngei lo tein a pek ve bantuk in nang le kei zong kan nun ziaza a dawh lomi vialte remh dingin a kan hal mi hi uii nak le pek sian lo nak ngei lo tein pe ve ding kan sawm hna . Bawipa nih nan dihlak thluachuah in pe hna seh. A sau pah i Bawi Khrih min in rak ka ngaithiam hram uh tiah kan nawl pah hna. Ka lawm.

Credit: Mi Mi

Leave a Reply

Your email address will not be published. Required fields are marked *