Oops! It appears that you have disabled your Javascript. In order for you to see this page as it is meant to appear, we ask that you please re-enable your Javascript!

Thantlang Baptist Church Tawlrelnak In Kan Unau Hna Bawm Chungkhar Bawmhnak An Pek Lai

Lawmh a um ngaingai mi thiltha pakhat a si. Thantlang Baptist Church tawlrelnak in hi bantuk in kan Unau hna a si mi hna Bawm chungkhar an herhmi bawmh ding in timhcia kan si cang ti thawng kan theih cu kan i lawm cio hna. Thil a tam atlom ah si lo in bawm chan duhnak thinlung put an ngei mi hrim nih hin upat an tlak i, zohchun ding hrim an si.

Minung hi kan herh lo mi thil man tamtuk i pek le i thenh nain kan herh lio mi thil hme te a si zongah man tam tuk a ngei i, tha hnemnak tampi a hman tu caah man a ngei mi a si. Thil tha hi tampi tuah ding a um nain kan herh mi le bawmh chan ding kan theih mi hna cung i kan tuah mi hi minung kan i lawmh long si lo in kan Pathian zong a lawm hrim ko lai. Tuanvo latu, tlangtla tu hna le TBC petu nan dihlak cungah Bawipa nih thluah in chuah ko hna seh. Thil tha tuah hi rak ngol hrim hlah uh. Zohchun nan tlak hrim. Atang ah Van Za Uk Fambawl nih lawmhnak a tial mi a si.

Thantlang Baptist Church tawlrelnak in TBC members chungin kan Unau hna Bawm chungkhar hna nih an hman ding caah tiah timhcia bak an chiah dih. Thantlang zatlang athanchokhawhnak le adawhnak caah biatak tein suttung bang adir pengmi TBC members dihlak,Pastor le Zung riantuantu hna, Sangcio Khrihfa Upa le Nu Upa hna nan dihlak cungah Bawipa nih thluachuah inpe ko hna seh.Zohchuntlak TBC Khrihfabu.

Credit: Van Za Uk Fambawl

Leave a Reply

Your email address will not be published. Required fields are marked *