Oops! It appears that you have disabled your Javascript. In order for you to see this page as it is meant to appear, we ask that you please re-enable your Javascript!

Khrifabu Min In Mino, Upa Or Nubu Tiah Gospel Team An Kal Tawnmi Hi Zeibantuk Ruahchanh Indah An Kal Hnga?

Khrifabu Gospel Teams# Khrifabu min in Mino, Upa or Nubu tiah gospel team an kal tawnmi hi zeibantuk ruahchanh indah an kal hnga? Anmah va nawmhnak or midang thazaang va pek or Khrifabu dang he va hawikomh dah? A ruah awk ka hngal tuk lo.

Feibuk ah Gospel an kalnak pictures tete ka zoh hna i, ka lung ah a rak chuakmi te cu:!

Khrifabu ngan, CEBC, ICBC or ZBC tbk mino hna gospel an kal tikah Khrifabu hme pawl nih an phan khawh lonak, state kilkeng ah mitlawm te khua Khrifabu, miphun hawi dang he aa pehtlaih kholomi hna or khual mui a hmu bal lomi Khrifabu tbk deuh hi targets in gospel team hi kal kho hna sehlaw, gospel an kal man a ngei hnga tiah ka ruah.

Example an Canada a si ahcun, Regina tbk, USA New York State a si ahcun, Albany tbk, California tbk zapi nih pal khawh lonak hmun ah khuasa an um len lai.

Cun, Gospel kal tik zong ahhin minung 30/40 tbk in buss in kal theng a hau hnga lo. Gospel teams tiah a group, a group in tthen in, group pakhat ah mino 7/8/10 tbk in hmun hnik or hmun 3 tbk ah kalter khawh an si.

Cucaah, zapi nih pal khawhlonak hmun ah a ummi Khrifabu fa tete hi Khrifabu ngan nih tlawn kai khawh izuam hna sehlaw sullam a ngei tuk lai tiah ka ruah.

Credit: Za Sang Cinzah

Leave a Reply

Your email address will not be published. Required fields are marked *