Oops! It appears that you have disabled your Javascript. In order for you to see this page as it is meant to appear, we ask that you please re-enable your Javascript!

Ngakchia Thla 8 Long A Si Rih Mi Damlo Zualhma Caah Thlacam Bawmh Hna Uhsih

Minung kan nunnak ahhin zei tluk in dam hi a rak nuam i a bia pit mu. Bawipa nih dam man liam hau in a lak in a kan pek mi damnak hi unau zeitluk in dah a sunglawi i lawmhnak a um. Vawlei ahhin kan dam ko ahcun a zei bantuk minung sifak santlai lo te kan si zongah hna a ngam i, lungthin a dam. Kan dam lo ahcun a rum mi zong an nunnak khamh awk ah an van a sang i, damnak duh ah thinlung a dam hlei lo i, an hna a ngam kho hlei lo.

Atu i ngakchia pa te hi a min ah Lalrinhlua a si i, Mualmam a Pu Lalrinsiama fapa a si. A tu hi thla 8 lawng a si rih mi ngakchia te a si. A chuah kain dam thiam lo in a um peng i, a pum hi a puar peng tik ah hin, Doctor te hna nih an at zongah santlai nak a um ti lai lo tiah an chim. A poi ngai mi cu alung le athin hi rian a tuan ti lo tiah Doctor pa nih cun a chim hi asi. Civil Hospital ah a tu hi an um lio te a si i, a dir hmun hi athat lei panh um ti lo i, dirhmun chia deuh ngai in an um lio asi tiah thawng kan theih.

Cu caah hi bantuk in fanu fapa hna dirhmun chia in dam lo an um lio ahhin nan le kei nih a zei pi pa kan bawmh khawh lo hmanh ah kan biak Pathian sin tal ah thlacam nak in bawm hram hna uhsih. Damnak ngeitu cu kan Pathian longlong  asi. Amah kutah zei zong za hi a um mi a si. Cun Hringtu a nule pa le a unau ca zongah an fapa an thlop bulnak le an temtuarnak vialte Bawipa nih lungsau thinfualnak a pek hna i, an fa pa cungah dawtnak le damnak he a zohkhenh kho tu an si nak lai zong thlacam he bawm hna uhsih.

Leave a Reply

Your email address will not be published. Required fields are marked *