Oops! It appears that you have disabled your Javascript. In order for you to see this page as it is meant to appear, we ask that you please re-enable your Javascript!

Chin Miphun Nih Aherh Lo Mi Party Ah Buai Hlah Uhsih, Arfi Le Thlapa Bantuk Kan Ngeih Mi Hna CNF Tu Hi Dirhkamh Hna Uhsih.

Atu lio CNF kan pa le Kan Chin mi chungin rian atuan mi hna kan pa le hna hi zoh an cim hrim lo, kan miphun le kan ram caah mah le chungkhar pumpak rian kal tak in kan mipi le zalongnak kan hmuh khawhnak ding caah ti in nihin tiang an nunnak le an ruahnak tiang pek/thap in rian a kan tuan piak mi kan hmuh hna tikah hin upat an tlak hna i, an i dawh tuk hringhran.

Kawl lak ah riantuan cu a ho cio poah hi a rak fawi lo mi thil a si. Kum tamtuk mipi zalongnak a kan pek duh lo mi khua ruah tikah hin zeizong vialte in kan rak sunghmi hi a tam lianluan cang. Chinmi kan pa le hna nih hin kan Chin ram hi rak dirkamh hna hlah sehlaw zei hua dah kan i hua cang hnga. kan lungfim a cu ngai cang.

Anmah dirhkamnak thawng in Vawlei pi nih Chin timi a kan theih hi a va sunglawi hringhran dah!! Miphun min hngalhter tu si hi a dam mi Party chungtuan rian cu a si. Minung hi a than chin, chan tiluan a rantuk cang bantuk in, kan Chin mi kan pa le hna hi an riantuannak hi an rantuk ve cang. Kawlram chung labang ahcun anmah hna hi dirhmun sang pe hna sehlaw vawlei an cul dih manh lai i, kan ram cu ram dang van cu kan hai lo hrim.

Aluan cia kum tampi an nunnak an pek i Chinmi caah an zeizong za an chuahnak hi theipar tha kan hmuh chin lengmang cang lai, a herh bik mi cu Chin mipi nih a herh lo tuk mi Party hna ah buai lo hi a si, Kan Chin mipi a kan humhak kho tu kan Pa le hna an riantuannak tu hi zeitin dah tha kan pek hna lai i, kan dirhkamh khawh hna lai ti tu hi kan leiba ngan bik a si awk a si. Cu ti kan tuan zuahmah ko ahcun kan duhmi zalongnak cu kan hmai ka bak ah kan hmuh cawlh ko lai.

Cu caah a zei bantuk thil ah dah ka buai ti hi ruah a cu ngai cang, kan Ram ah dinfelnak a um ti lo, kan mipi le an tuar tuk cang. a rum mi caah cun van an tong lai nain a sifak mi meinu meipa caah cun thihnak thlangkhur tang ah kan dir cang, Dinnak in le zumhawk tlak le mipi a kan lawmhter tu Pathian a tihmi hna minung kan herh cang hna. na buai ngai mi party hi mipi caah zumh ngam taktak an si maw ti hi ruak awk tam ngai a um cang. rak kan hlen len hlah uh, na kan hlennak nih miphun a dam ter lai lo, kan mipi kan tuarnak theih piak a cu cang.

Cu caah Hi bantuk in ram a dawtu le Pathian nih Vawlei cung level in thluak le theih kauhnak, hruaitu tha tangdor mi a kan pek hna hi zei tluk in dah thluachuah sunglawi an si. Anmah kutah mipi kan i ngat a hau. kan buai cio mi hi pumpak caah si hrim hlaseh, CNF kan pa le hi Bawipa nih nun sau damnak le ram hruaitu tha ah kan hmang piak chin hram ko hna seh.

Photo Credit: Salai Bawi Lian Mang

Leave a Reply

Your email address will not be published. Required fields are marked *