Oops! It appears that you have disabled your Javascript. In order for you to see this page as it is meant to appear, we ask that you please re-enable your Javascript!

Lawmhpinak; Singer Jennifer Zochhingpui Le A Darling Evan Joel Kung Lawm Pre-Wedding Video Thar

Tu lio i Pathian nih fak piin a hman cuah mah mi kan chin Singer nunnem mifim. aw tha muidawh Jennifer Zochhingpui cu kan i siang hrim rih lo ti zongah tlaih awk that lo mi Pathian nih amah mui lo in a kan ser i, pumkhat si dingah nuva sinak a kan pek cang mi le tefa tampi rak ngeih uh a kan ti mi bia cu a duh le duh lo zongah a nungchung a dawt ding mi he chungkhar thar an dirh cang lai tiah thawng kan theih i lawmhnak tampi kan ngei piak hna. kan i lawmhpi taktak hna.

Hlasak thiam Jennifer hi Pathian nih a hman ngai mi a si i, amah hlasak thawng hin mi tampi thazaang kan lak cio. Hlasak thiam long si lo in a pumrua a tha, a mui ia dawh, a zei zong ah soi awk um bak lo mi a si. Gospel Singer kan ngeih chun mi nungak a si i, mah duh ahcun tam deuh in a rian kan tuan piak rih ko sehlaw ti hi kan saduh thah piak ngai mi asi. Nain Pathian nih chungkhar lei he pehtlaih in tharchuah than ding in le fanu fapa thluachuah relpiak a duh cang caah a dawttuk mi a Darling he hmaizarh a donghnak ah sunglawi ngai in Pathian sinah biakamnak an tuah cang lai.

Mi tampi nih hin kan singer hna le kan mui dawh pawl hna hi a pasal hi zei bantuk minung dah asi hnga tiah bih le cuanh cio mi a si. Apasal ding hi USA ah khua a sami a si. Atu lio US ah Pathian nih amah tawk in amah riantuan tu ah a kawh i amah Pathian lohma a tuan cuahmah lio mi asi. Amah hi mi thinlung tha, mi ziadam mi hmai a zoh ngai mi a si. Bawipa saltha a si. Laitlang a umnak khua hi Hmawngtlang ah khua a sami an si. Amin ah Evan Joel Kung Lawm Asi.

Atu hi timhlamhnak an ngeih cuahmah lio a si i, Anpa zong US in Laitlang khua a phan cang i, Nizan ah Shwe Mintami Zarzar nih an puai hlan ah congngia an vun tuah piak ta mi hna video an vun thlak piak hna i an i rem taktak, zoh cim lo bak an si. Pathian nih a fonh hrim mi hna an si. Nan video kan i hmuh hna i kan i lawmh pi tuk hna. nan puai tlam tling hram ko seh mu. An puai tuahnak ni cu aralai mi 29 October, 2019 (Nili Ni) ah khin Thantlang Khuapi ah tuah a si lai.

Saya Pa Kung Le Sayamah Jenny kan i lawmhpi hna, Bawipa nih nan i timhtuah mi cungah tlam in tlingter hna sehlaw, hmailei chungkhar thar nan dirhnak ah a thluahchuah bongmal za he lam in hruai cam cin ko hna seh. Bawipa rian a tuanmi nan si caah hnu lei nakin hmailei ah a ram le miphun a thawngtha a karh tertu  si chin hram ko uh, fanu fapa tefa tampi in Bawipa nih thluah in chuah ko hna seh. Lawmhpi nak he..

Note, Mah kong he petlaih in anmah khua le an chungkhat sin in a kan chim mi a si An hmangthlak hi a hnu ah kan rak post than te lai.

Video Credit: Shwe Mintami Zar Zar

Leave a Reply

Your email address will not be published. Required fields are marked *