Oops! It appears that you have disabled your Javascript. In order for you to see this page as it is meant to appear, we ask that you please re-enable your Javascript!

Hakha Zophei Youth Organization Lentecelh Zuamnak Cu Tluang Tein A Dih

Hakha Zophei Youth organization October 14-19, 2019 tiang Lentecelhnak an tuah mi cu a nuam hringhran. Nikhat ni in nihin a donghnak tiang buaibai nak um lo tein tluang tein caan an hman khawh caah lawmh a um tuk hringhran. Opening Cememony Puai Onhnak ah Khuallian (Chief Guest) in Pu Zo Bawi nih Biachimnak a ngei piak hna.

Nihin ah Aibur le Hriphi cu Final an kai i, an i tluk taktak, a zoh an i nuam tuk hringhran. A teitu cu um phung a si bantuk in Hrip 5: 4 Aibur tiin Hriphi nih Champion an lak. Nikum ah a voikhatnak an tuah cang i Hrihphi nih Aibur cu an tei cang hna. A voihnihnak Champion Hrihphi nih an lak hi a si.

Kan theih khawh mi ah Volleyball hi nu Leitak nih an lak tiah kan theih. Kan lawmhpi hna, Pahnih nak Lawngtlang nih an lak ve. Pa volleyball Pakhatnak ah Hlam Phei nih an lak i, Pahnihnak ah Lawngtlang nih an lak tiah kan theih. Kan i lawmhpi tak tak hna.

Atu hi laksawng an pek hna lio a si. Khuallian Pu Zo Bawi nih laksawng peknak ah a telpi kho than hna. a cungah lawmhnak tampi kan ngei. Mah Sport tuahnak ah hin USA lei in an rak tuah piak mi hna a si tiah thawng kan theih i, USA Zophei tefa nule pa nan cung zongah lawmhnak tampi kan ngei. Hmailei zongah thazaang nan rak kan chuah piak than ding zong in kan in awl than ko hna.

Tutan Hakha Zophei tlang nih lentelcelhnak an tuahmi hi pakhat le pakhat i fellowshipnak ngeih ding le zophei tefa zeitin dah a lam kip in kan thancho hna lai ti mi he an tuahmi a si caah an i timhmi zong tutan i zuamnak an tuah mi kip ah an khen ngaingai caah lawmh awk a um ngaingai. Zoh dawh te le nuam tein buaibai nak um lo tein kan dih khawh caah lawmh a um hringhran. Sport tlangtla tu hruaitu nan dihlak cung zongah lawmhnak tampi kan ngei. Hmailei zong hi nak tha in than a kan chuah piak chinnak lai le idea than a kan ngei piak nak hnga kan zuam piak hram ko uh.

Leave a Reply

Your email address will not be published. Required fields are marked *