Oops! It appears that you have disabled your Javascript. In order for you to see this page as it is meant to appear, we ask that you please re-enable your Javascript!

TYA Cup 2019 Thantlang Peng Tlangthluan Bawlung Chuih Zuamnak Final Hodah Champion Na Zumh?

Tutan TYA Cup 2019 Thantlang peng tlangtluan bawlung chuih zuamnak cu nikhat ni in an thok i nihin ninga nak ni Semi Final zong tlang tling tein an dih caah lawmh a um ngaingai. Thantlang tlangtluan bawlung chuih hi zeidah a zuammi hna nakin a rak sunglawi a nuam deuh tawn mi a si.

Chan hi a rak thlenlengmang ve fawn i cu chanthar pawl nih hlan chan bantuk bawlung chuih he zong aa lo lo nak tete a um ngaingai. Cu cu a thancho mi a si awk a langhnak zong asi. Thancho kan hun si ve bantuk in khoika kan umnak hmun zong in live tein a hmun a zoh mi bantuk in rak zoh khawh a si ve tikah a nuamhnak a phung dang ngai fawn.

Tutan ah Zanak le Zophei an kong kan theih mi cung tu ah lungthin a nuam lo ngai ve. Thantlang tlangtluang nih a hmui tinh hi heh tiah zuamnak tuah in teinak fakpi in a teimi i tei hna sehlaw a sunghmi cu nesawh ko hna uhsih ti bantuk cu a duhnak le a hmuitinh cu a si lai ka zumh lo. Tlangtluan i a um mi pengkhat a si mi hna zei tin dah kan i fellowshipnak hri a kan pehter lai i, a theih setsai lo mi hna kan i theih i hmailei kan funtomnak a si hnga maw ti hi kan duhnak a si ko lai ti zong hi ka zumh ning a si. Cu tikah a chuih tu hna pengtlang siseh, TYA tlangtla tu hna nih a ho thleidan nak ngei lo in dawtnak lungput he kar kan hlan i kan hmailei kan kal khawhnak ding tu a si nak lai hi kan i zuam ngai ngai a herh ti hi a lang ngai.

Hi bantuk thil kan ton ruangah mi thinlung a nuam ter lo ngai cio. Hmailei ahcun a dawhmi remhdaihnak le lungthin i nuamhternak tu a chuahnak s ihram ko seh. A dih cang ko caah a tu a tangmi a chuaihtu vialte nan dihlak cungah kan i lawm. Nan thiam hrimhrim hna. thaizing Final zong hi a zoh nan i dawh bak lai. Kan i ngaih cio hna. rak tang hram ko uh.

Nihin semi final an i tei ning a si9. Vailam 5 – 2 Vanzang
Bual 5 – 3 Lautu

Thaizing September 12, 2019 final: Vailam Vs Bual

Champion ding ah na zumh mi comment rak tuah te ko.

 

Leave a Reply

Your email address will not be published. Required fields are marked *