Oops! It appears that you have disabled your Javascript. In order for you to see this page as it is meant to appear, we ask that you please re-enable your Javascript!

Bochuk Aung San Min A Chiat Tertu Cu Nld Le A Fanu Ansi.

BOCHUK AUNG SAN MIN A CHIAT TERTU CU NLD LE A FANU ANSI.
====================================
AUNG SAN CU NLD MAW ASI??
====================================
🚫 Bochuk Aung San cu Kawlram tuanbia ahcun upat mile ttihzah mi bak a rak si ko. Socialist chan 1962-1988 lio zongah Aung San cu Ne Win hrimhrim nih Upatnak a pek caah Cozah zung dihlak ah Aung San hmanthlak cu an rak taar dih. Pumpak inn tiang Aung San hmanthlak cu an rak i taar ngot hna. Cun Phaisa apia in afang tiang Aung San mui an cuan ter dih. Ka chim duhmi cu U Ne Win chanchung vialte Aung San cu mipi thinlung ah hmun a ngei i, upat viar a rak si.

🚫 Ralkap uk (Military Regime) 1990 hnu lei in Ralkap Bawi pawl Thinlung ah Aung San zeirel lonak aa sem. 1990 hnu NLD nih party an dirh i NLD signboard ah Aung San le Suu Kyi an pafa hmanthlak an cuanter. NLD head office signboard ah Aung San le Suu Kyi hmanthlak cu lian taktak in Daw Suu Kyi inn hmai khualai bak ah an taar ko. Cun khuakip pengkip NLD signboard zongah Aung San le Suu Kyi hmanthlak cu tar chih dih asi. NLD nih Aung San hmanthlak cu Party logo (idol) bantuk ah an hmang ruangah Ralkap le Party dangdang hna nih cun an rem lem ti lo. Mah ruangah Ralkap nih Cozah zung le Sianginn zung tiangin Aung San hmanthlak cu an thlakter viar hna. Phaisa zongah Aung San mui awiawh ah saram mui an cuangter.

🚫Atu tiang zong NLD nih Aung San hmanthlak cu an party logo (idol) bantuk in an hmang peng rih. Mee hmuh nakah Aung San min an hmang. Aung San hmanthlak cu NLD MP le cozah bawi pawl nih an ttangbenh tiang an hmang beh. Aung San mui van hmuh poh ahcun NLD a cuang ko. AUNG SAN hi NLD hlah maw asi ti awkin a um. Tlangcungmi kan cakoah tuar a har khun. A biakam hmanh tlinglo i Tlangcungmi Party pawl teinak ah AUNG SAN mui (idol) an hman chinchap ahcun zei upat dah a tong ti lai. Aung San huatnak hmanh a karh chinchin. Kawl miphun tampi le Kawl party tampi thinlung zongah Aung San cu a thlum al bak ti lo.

🚫 Aung San a tthat tthantu le a min a chiat tertu a hram taktak cu NLD le Pi Suu Kyi an si ko. Kan Chinram zongah Aung San milem kongah a buai. Ziah nan buai, ziah Aung San cu nan duhlo rak kan ti ti hlah u. Aung San kan uar lonak le kan duh lonak cu nanmah NLD ruangah asi. Nanmah nih huatnak lam hram nan thok. Mawh kan phur hlah u..tayakhan တရားခံ cu nanmah NLD nan si. Aung San cu NLD maw asi?

Credit: Jacob R Thang

Leave a Reply

Your email address will not be published. Required fields are marked *