Oops! It appears that you have disabled your Javascript. In order for you to see this page as it is meant to appear, we ask that you please re-enable your Javascript!

Chin Party Lei Kap Aukhuan Ning Adotdot

Chin Party Lei Kap Aukhuan Ning Adotdot
——————————————————–
Mah hihi CNLD Hruaitu hmur le kaa ngaingai cun achuak lem loh. Nain Chin party lei ṭang pawl aukhuan ning adotdot.

#Dot_khatnak; Chin miphun caah party ngan pathum fonh in CNLD tiah an dir cang. Cucaah Chin miphun simi paoh nihcun Chin party kan vote hrimhrim hna ding an si. Mah cucu NLD lei nih an von soisel ve hna i, dot hnihnak ah an von iṭhial.

#Dot_hnihnak: Chin party nihcun Chin miphun nih kan duhmi federal kan nawr lai. Political dialogue caah biapi tuk. NLD nih hluattaw zong ah federal kong cu an chim bal lo ti asi. Cucu NLD nih an von al (el) ve hna i, dot thumnak ah an von iṭhial ṭhan.

#Dot_thumnak: Ralkap le USDP nihcun pohmah 261 hi lung thli ruahlo vok ke tiah an kan pek nain NLD nih an duh lo le an kham tiah an ti. Sinain NLD lei ṭang pawl nih Ralkap le USDP nih remh an duhning le NLD nih remh aduhning ai khat lo cu teh tiah an von al hna i, dot linak ah an iṭhial hoi.

#Dot_Linak: NLD cu Kawl party asi caah Chin miphun kan ca ṭhatnak cu aduh in an duh bal lo hme cu. Kawl nihcun Chinmi cu an kan rem lo, an kan huat zungzal ko hme cu tiah an ti. NLD lei ṭang pawl nih NLD cu Kawl party asi loh. Union party asi tiah an von al len ve hna i, dot nganak ah an iṭhial vurmar hoi.

#Dot_nganak: Bochoke Aung San cu Kawl miphun caah hero asi. Nain Chinmi belte cu an kan hlen. Akan deh cikcek tiah an ti. Hi belte tutiang cu NLD lei nih zei ngaingai bia an chim lem rih loh. An chimmi cu um ve nain Chin party lei an cawlcangh liopi si. Dot nganak in maw adih te hnga, siloah dot ruknak dek an peh te hnga. Silole acunglei dot ah dek an kirte hnga.

Dot Ruknak ah an peh sual ahcun CNF/A he an pehtlaihter khawh men

Credit: Lian Bawi

 

Leave a Reply

Your email address will not be published. Required fields are marked *