Oops! It appears that you have disabled your Javascript. In order for you to see this page as it is meant to appear, we ask that you please re-enable your Javascript!

Champhai Sumo A Cang Sual Ruangah Mi Pakhat A Thi I, Adang Pa4 Hliamhma An Tuar

Kan unau Mizoram, Champhai Sumo khualtlawn mi hna cu Tuirial pawngah an cng sual i mi pakhat a thi i, Adang pa4 hliamhma an tuar nak kong kan theih cu ngaih a chia hringhran ko.

Vawlei cung ngai hi duh a tling hrim lo, thihnak zong hi mitthep karah tawn a si ko. Lam le sul ruang ah maw si hnga, kan unau hna hi khual lampi ah siseh, khuachung zongah i cang sual kan thei pah lengmang, Amawngtu hna hi ralring lo deuh zong si kho men,

Tuzing suimilam 4:00 Am hrawng ahkhan Champhai Sumo cu Tuirial pawngah an motor cu a cangsual i mi pakhat a nunnak a laim tiah theih a si. Minung pa 4 zong hi hliamtuar in an um tiah theih a si. Apoi hringhran ko, hliamtuar mi hna damnak tuan hmuh hram hna sehlaw vanchiat a tonmi hna a thi mi chungkhar zong Bawipa nih hnemh hram ko hna seh.

Mah a thi mi le hliamhma a tuar mi an khua an min le an nu le pa an umnak ti bantuk cu theih a si rih lo caah langter an si hna lo. A hnu ah thawng fiang a um ahcun theih ter khawh kan rak i zuam than lai. Mizo kan unau hna an si i, vanchiat an ton tikah kan unau sinak langter ve hna uhsih, cun hi bantuk thil a cang mi ah kanmah chinmi zong Mizoram ah khuasa in a ummi le khual a tlawnmi an um ve caah siaherhnak ngeih hna uhsih.

 

Leave a Reply

Your email address will not be published. Required fields are marked *