Oops! It appears that you have disabled your Javascript. In order for you to see this page as it is meant to appear, we ask that you please re-enable your Javascript!

Laimi Sining In Donald Trump Tanh Cu Mahtil Le Zang I Cum Bantuk Asi.

Zeiruang Ahdah Aralai Dingmi Caan Ah Donald Trump Ka Vote Lai Lo?
===================================================

Atu lio kan thli hrang le kum 2020 Vawlei a uk tu a si mi ti uh si lo kan palh lo ngai dingmi America thimnak kong he pehtlai in hmaikum America President Donald Trump vote pek thannak kong siseh, Donald Trump a kai hnu in Chinmi Ramhnih nak a tangmi hna le US i mipem pawl le minak hna thleidannak fakpi in a um cuahmah mi kongah Global Rawn Chin Media tlaitu Admin a si mi Cheasea Bawi nih Donald Trump a vote lai lo nak a hmuh ning pa 10 in a rak langter mi cu uar um tuk hringhran tiah ka ruah, ral tha bak in a hmuh mi miphun zawnruahnak le siaherh taktak in a tialmi a si ti ka hmuh tikah upatnak ka pek ngaingai. Vawlei cu loh phung kan si lo bang, hmuhmi ia khat bak lo mi kan si ve, hmuh ning lungthin ek um in a chim ngamtu hna nung hi miphun caah theipar tha a chuah tertu an si.

Kanram Myanmar ah ka umti lo i vote zong ka thlak kho lo nain, America ah vote thla kho ka si caah America politics or election kong ah duhthimnak ngei ka si ve bantuk in “ zeiruangah Trump hi ka vote lai lo” timi kong a tawinak in aruang 10 in ka vun tial.

1) – Cuhlan tein Republican cu chim lo, keimah cang ve ah cun conservative ka si, kai ti ve. Trump zong ka tanh zungzal ko nain, a hnu ahcun Trump tanh cu mah le mah til cumh bantuk a si timi kai fiang caah next election tik cu ka vote lai lo.

2)- Trump cozah kai hlan in chuahkehnak ram ah kuatthan (deportation) mi pawl hi sual palhnak ngan taktak tuahmi lawng an si nain, Trump cozah kai hnu cun Laimi hmanh ceilak Myanmar ah a kuat than hna (Thih hlan lo USA vawlei lam an ngah ti lo).

3)- Trump kai hnu in Laimi refugee kan pit ti awk asi. Lungdonghnak In kan khat.

4) – Trump kai hnu in biatak tein miphun thleidannak thlaici America ah a karcho. Laimi cu chim lo Asia or Black pawl hmanh an mitau a khui dih, thleidannak raalhruang a sang hrianghran ko.

5) – Trump akai hnu in ramdang le America an i pehtlaihnak hi a tumchuk taktak I an i huatnak hi a karhcho hringhrang.

6)- Trump a kai hnu in ralzaam In America ah a hung ummi pawl bawmhchannak a pit ti awk asi i harnak kan tong chin lengmang.

7)- America President lakah climate change a zumlotu um chun asi. Nikhat hnu nikhat kan vawleicung khuacaan hmanlo chin lengmang mi hi doh le humzual a herh lo ati.

8)- Kum 2020 ah President asi ahcun Delhi le Malaysia Chinmi refugee lak an si ti lai lo ding cu chim lo, America um cio Chinmi tampi hi Myanmar ah kuatthan mi le harnak fak pipi a tong dingmi kan tamtuk.

9)- Mexico ramri hauruang sak a timhmi hi minung lut kho loin khamnak siloin miphun thleidannak rauhau bantuk tu deuh asi.

10)- America minung caah cun a thattuk ko lai nain, kannih peemthar, sifak, ralzaam le hartong mi pawl caah ruahchannak vialte a pihter dihtu asi.

@Cucaah kannih Laimi sining in Trump tanh cu mahtil le zang i cum bantuk asi. Kha hngak ko tuah hna usih kum 2020 i a tlinthan citcet asi ah cun Malaysia le Delhi lei refugee lak cu hei chiarih ko usih, mah nu le pa zong chim rih lo, nupi le pasal lak kong zonghi va um rih ko seh, America um cio Green Card hmu cio pawl zapi kan caah thin phan dailo asi lai. Tu i Laimi DUI le Sualnak tuahmi case sang deuh pawl caah cun tih nung bak ko. Cun zei biatak tein citizenship la cia hmanh hi a dothlat lai lo tiin a hodah chim kho lai? Van dothlat hna sehlaw zeidah Laimi kan lawh hnga? Term khatnak hmanh ah hitluk a si ah cun ai hmaithlak bikmi ramdang mipeem hautnak kong hi zeitluk in ai hmaithlak chinchin hnga?

“Laimi nih Trump kan uar ning le tanh ning hi tulio kan sining he vun ruah setmat ah cun, uico mah mah bawhnak saphaw tam” timi kan hluan!

Credit: Chelsea Bawi

Leave a Reply

Your email address will not be published. Required fields are marked *