Oops! It appears that you have disabled your Javascript. In order for you to see this page as it is meant to appear, we ask that you please re-enable your Javascript!

Chin Party Soisel Le Doh In Lar Aitim Mi Pawl Nan Kong Hlat Tik Ah Upat Tlak Nan Um Lo.

Atu lio a lar cuahmah mi fb cahmai kuang i kan hmuh cuahmah mi cu kum 2020 i election thimnak ah Zei Party dah kan vote hna ah kan miphun a him le mah tein zalong nak kan hmuh khawh lai timi ruahnak tampi mipi a kan tuai tam lio ngai a si.

Chin Party cu Chin Party bak kan i vote awk a si ti le NLD hi vote ve ko i kan Chin party nih teinak hmu ve ko hna sehlaw ti bantuk, Chin party nih hin zei pipa nan tuah kho tung lai lo i, ti hna mah le hmuh ning cahmai cio ah tial cio a si tik ah, micheu cu zei lam dah ka zulh ah a tha lai ti zong politic a huam lem lo mi nih cun theih fiang a har ngai.

Atu in chim relcaan cu a cu bak ve cang i, a ho poah nih zalong tein miphun zawn ruahnak a ngei mi nih cun hmuh ning kha tial cio lo awk a tha hrim ve lo. Thil pakhat belte cu mah hmuh ning kan chim kan tial cio tikah mipi a vai vuangtu rak si sual lai hi i ralring ngai cu kan hau ve ko. Mipi caah a hlawkmi le a kan tha hnem taktak ding le, Chin mipi nih atak in a tepmi party a si khawhnak ca tu ding hi a kan chim rel piak tu nan si nak dinghi nan biapit hringhran ko.

Cu caah soisel lei in maw mipi kan tuh hna lai, kan Miphun caah zeitin in dah lam kan zulh/zawh pi hna i, mah tein zalong kan duhmi teinak kan hmuh pi hna lai ti mi ruahnak tha kaupi in dah na kan hruai na kan kal pi lai? Kum tam a duh ti lo mi i thimnak hi nangmah le keimah kut ah a hngat lio caan te a si. Laimi Mino kan bochanmi hna politics thisa a ngei mi hna an rak lang rih lo, miphun thisa a ngei mi hna cu pumpak tiang in an i lak tawn hna, tutang zong hi kan i naih ziahmah cang caah an rak holh cio te lai i, hmuh ning ia dang lianluan te ko lai, nain tutang thimnak hi cu Chin miphun caah thiltha caantha kan hmuh mi tu a chuah tertu si hram ko seh.

MP hlun a kan tuan piak cang mi Pu Lal Maung Cung hi Miphun thisa a ngei bak mi a si. A cahmai ah a tial mi tawite hi uar a um ngai… Chin party soisel le doh in lar aitim mi leh phu lo Saya min pu le kaiza ai ti mi pawl, nan kong hlat tik ah upat tlak nan um lo.

Credit: Lal Maung Cung

Leave a Reply

Your email address will not be published. Required fields are marked *