Oops! It appears that you have disabled your Javascript. In order for you to see this page as it is meant to appear, we ask that you please re-enable your Javascript!

Letpanchaung Ah Meithal 6 Le Cerek Tampi An Tlaih

Kalay peng, Letpanchaung khaw mi Pu Hmingthanzaua (kum 41) ih inn ah meithal zun ruk, cerek phunphun le walkie-talkie 6 cu August 4 sun simlam ah Kalay pengpi palik pawl in an kai ngah tiah Zalen in a tarlang.

Pengpi palik pawl in rittheihsii thuthang ruangah Pu Hmingthanzaua ih inn an cek tikah rittheihsii cu an hmu lo nan, ihnak pindan ih dailen inn tlunlam ah .22 meithal sau zun khat, cumi cerek bawm khat le cerek 11, zunphir sau zun khat, zunphir ziandawng 39, thli meithal zun hnih (a sau pakhat, a tawi pakhat), thli meithal cerek 2000, gas pistol zun hnih le gas ziandawng bur 85, ball 800 tel mi bur thum, sniper durbun 4 (a tawi pakhat, a sau pakhat), durbun pahnih, Tuluk tuah mi walkie-talkie paruk, charger 4 le meithal bawm pali an hmu.

Curuangah Pu Hmingthanzaua cu sualmawh nambat 1626/2019, ralthuam dan cahran 19 (f) in siseh, sualmawh nambat 1627/2019 thawn pehtlaihawknak dan cahran 67 in Kalay khawpi sung palik zung in thubuai an tuah sak a si.

Hram: Zalen

Note, Mah kong hi Chinland Today Media nih an rak tial mi chungin kan rak chinmi a si.

Leave a Reply

Your email address will not be published. Required fields are marked *