Oops! It appears that you have disabled your Javascript. In order for you to see this page as it is meant to appear, we ask that you please re-enable your Javascript!

Ruah Than Lengmang Ahhin Na Liam A Tuan Tukmi Hi Thinlung A Fak Tuk Ee!

Vawilei hi duh tling lo nak ram a si zia hi kan u kan pa a si mi a kan liam tak mi nih hin alang ter ngai.Minung kap in cun thih hi taksa in kan i thennak a dih dongnak a si tikah tuar lo awk a rak tha hrim lo. Zumtu kan si caah kan i ruahchan mi tu knih khan kan i hnemnak sanbik le Khrih i a fa kan sinak a maru zong a si caah siang lo mi tampi a um mi chung ah kan i hnemnak lian bik le hnangam daihnak a kan pe than tu cu a si. Andrew Wilson Bawi mang nih a sianglo nak a langter mi cu ngai a chia hringhran, tangtak mi vialte nan cungah daihnak le hnangamnak pumpak nan cung cio ah um hram ko seh.

Nang cu ka u can ka pa can

Ruahlopiin na kan liamtak ka theih cun a tuar zia ka thiam lo ka u.
Taksa in na tuarnak nih dang khat, lungchung mitthli he na tuarnak nih dangkhat, A hramthok in a dongh tiang kan ruahpiak ah ka umnak hmun in mitthli he kan tuarpi tuk ve.
Hi bantuk zawtnak le nganfahnak na ton dingmi hi ka rak ruat hrim lo nain mu.
Nang cu innchungkhar ca lawng siloin chung le khat kannih vilate ca le miphun ca tiangah pacan aa cuh kho pengmi pa raltha le pa fim dakaw na si; na lung a sau, na thin a fual na pawng ummi vialte caah hnangamnak he na kan khahter.
Na nehnang, na awcawi, na lungput, na muisam le na pumrua pi nih mi hna a ngam tertuk. 
Na damlo ko buin innchungkhar caah tuah dingmi vialte naa lim dih; innchungkhar hnangam in na chiahtak hna. 
Na mipum in na kan kaltak nain na lungput le na thatnak in zeitik hmanhah na kan then lo. Cu bantukin kan sinah na um tilo ko zongah na nau le kannih vialte nih kan in dawt peng ve mu ka u. 
Ruah than lengmang ahhin na liam a tuan tukmi hi thinlung a fak tuk ee! 
Sianlobuin mangtha kun law.

Credit: Andrew Wilson Bawi Mang

Note, Atu Andrew Wilson Bawi Mang nih a ngaichiatnak le a siang lo nak a langter mi hi Indiana Lutuv Evangelical Church (ILEC) chungtel asimi Pu Yi Aung aka Hri Uk (Kum 57) Nizan ti ni July 12, 2019 ni zanlei sang 7:10pm ah hi vawlei harsatnak kal tak in Pathian kut ah a kan dinh tak cang mi kha a rak langter mi a si.

A nih hi Malaysia in USA ah January 2017 ah khan , A dawt a nupi, fanu (2), fapa (3) he an rak phan. Pu Yi Aung (Hri Uk) hi Lutuv Peng Leikang khuami asi.

Leave a Reply

Your email address will not be published. Required fields are marked *