Oops! It appears that you have disabled your Javascript. In order for you to see this page as it is meant to appear, we ask that you please re-enable your Javascript!

Emily Thilhruk Mi Soisel Nak, Pathian Hla Asaknak, Liandingpui Hla: Video

Atu a cang cuahmah mi comment a tam ngai mi Emily Ngun Hlei Sung nih Indiana ah Hlasaknak Mizoram singer Pi Lian Ding Pui hla a sakmi i lai Website pakhat nih a thil hruk kong a siarem lo nak a post mi cheukhat comment cu lung a nuam lo mi a tam ngai hna. Cu cu amah nih Pathian hla a sak lio hna ahcun Sexy lo deuh mi thil i hruk sehlaw a tha a rem bik ko hnga tiah a tial mi asi.

Emily Ngun Hlei Sung hi cu Kan Chin mi Singer bochan mi a si tikah an kum khua hmanh no te rih sehlaw an sinak le an rian nih upa deuh dirhmun ah an um bantuk in le Church ah Gospel Praise&woship team leader hna mi hmai ah a dir mi, mi a hruai cang mi an si bantuk in minih zoh tikah lung siarem tein an thilhruk an um tu hawih herh ah zoh dawh tein kan um piak kho hna sehlaw a dawh tuk hnga ding le sia a rem ngai hnga ding a si ti hi catial tu nih a tial duh deuh mi cu a rak si.

Emily hi A aw a tha i a mui zong ai dawh, a thilhruk zong khi ai tlak tuk ko, voi dang thil ia hruk mi zong a dawhtuk mi long te a si ko nain mah ka hla a saknak zawng te hi cu mi thinlung a nuam ter lo bantuk a um ti kha langhter duh deuh mi a si i, siaherhnak lianpi he duhfahnak a sinak kha ruah piak thiam ah a tha tiah ka ruah ve,

Bawipa thwng in Chinmi hi kan hmuh kan phak ballonak ramrum Ramtha ah kan um ve cang i, Dirhmun sining tampi iathleng tuk mi ram ah khua kan sak kan um ve hna tikah mawh thluk awk hi kan rak tha ve tawn lo, Rev. Hoi Cung Tum nih thawngtha a chim mi ah a hman ngai tiah ka ruah mi pakhat cu kan Lungput kong hi a si. USA ah ka um i Pulpit ah thawngtha ka chim ahcun Lungzi in si lo le Kedan i phoih ti bantuk in thawngtha chim ninglaw a hruk maw tiah na kan ruah lai e a ti, Laitlang ahcun Pulpit cungah Keden i phoih lo in stal ngai in ka kedan he kai ninglaw mah pa cu tiah an ka ti lai e a ti, Kawl ah thawngtha chim tikah Ramthumnak bantuk in special in Bawngbi he neihtaih he Kedan dawh te he chim ning cu pa zei a kan rel lo cu an ti lai e a ti, Kawl ahcun Lungzi i fenh ve a hau i, Laitlang ahcun Kedan i phoih ve a hau fawn i, Ramdang ahcun stal tein Bawngbi,angki dawh,neitaih le Kedan a mil tak mi he um a hau e tiah a chim, cu i a pehmi cu kha vialte hi kan lungput a si i, athatnak in na hmuh thiam ahcun zeizong hi nangmah caah thadamnak an pek lai e a ti.

Cu caah thil hi athatnak in a hmu thiam mi hna an caah cun zei zong vialte hi na hmuh mi nih hin hna hnawh nak an pe ballo lai lo. Kan umnak hmun le hma siseh, Zei miphun dah kan si i, zei Biaknak dah a biakmi kan si ti tu hi kan lungput ah i seh chih hna uhsihlaw hmailei kan fanu kan fapa hna nih dirhmun ia fiangmi kan sinak hnga pumpak cio nih thiltha tuah le hmuh khawh i zuam hna uh sih. Kan farnu Emily zong soiselnak Pakhat hmanh na sinak ah kan i hmuh piak lo i, na dawh na rem na tlak thiamthiam ko. Minung cu soisel nak vawlei ram ah kan um hna i, atu siaherh ngai in an ti tu hna cungah hin thazaang fak piin rak i lak law hmailei na aw thatnak le na zuamnak lamhruaitu ah s ihram ko seh.

Note: Thil hi kaphnih lengmang in akal ti cu kan hngalh cia dihmi asi. A ho kan si hmanh ah a tling mi cu pakhat tak hmanh kan um lo bantuk in, siaherh nak thil le a dawh deuh hnga maw tiah langter mi ah comment kan tuah tik zongah catial tu hna nih an tial hnawh chanmi theih piak lo in duh poah in a au khuangmi kan si lo nak dingah careltu kan biapit ngaingai ti kha thazaang pek kan duh ngai hna, Thiltha a hmu kho tu si hi mah le mah lungdaih hnangamnak a kan phortu a si.

Laikhal

Leave a Reply

Your email address will not be published. Required fields are marked *