Oops! It appears that you have disabled your Javascript. In order for you to see this page as it is meant to appear, we ask that you please re-enable your Javascript!

Perry Township Schools Lei In Thawngthanhnak

PERRY TOWNSHIP SCHOOLS LEI IN THAWNGTHANHNAK:

Tukum Perry Township high school graduation cu May 24, 2019 ah tuah a si lai.

PERRY HIGH SCHOOL:
Perry high school pawl an tuah hmasa lai i zanlei 6:00 pm in thawk a si lai. Zanlei 4:00 in 5:50 tiang innka an on lai. 5:50 pm hnu luh khawh a si ti lai lo caah tuah deuh ah kal i timh ding.

SOUTHPORT HIGH SCHOOL:
Perry high school pawl an tush dih bak’in Southport high school pawl zong an tuah ve lai i zanlei 8:00 pm in thawk a si lai. Zanlei 6:00 hrawng in innka on a si telai.

Minung an tam pin ah khua zong a lum ngai lai caah khuacan sining zoh in thil i hruk thiam a herh ngai lai. Zapi lakah ṭhutdir thiam zong i herh pah lai.

**21st Scholarship Sawk Caan**
21st scholarship hi college kai tik i pek te dingmi bawmhnak (scholarship) a si i taang 6, 7, le 8 kai lio i sawk khawhmi a si. Taang 8 dih hnu cun sawk khawh a si ti lo. Cucaah, tanng 8 a kai liomi 21st scholarship hi a sawk bal rih lo nih June 30, 2019 hlan ah sawk htimhrim ding.

**TAANGCHEU KAI DINGMI**
Taangcheu (Kindergarten) a kai dingmi hi cuhlan ahcun August 1 hlan ah kum 5 a tlingmi si a hau. Tukum in Indiana cozah nih daan an thlen i September 1 hlan i kum 5 a tling kai khawh a si cang. 2019 September 1 hlan i kum 5 tling dingmi fapa/fanu nan ngeih i taangcheu kai ding ah min nan khumhpiak rih lo ahcun amin rak khumh (register) piak te hna uh. Kum khat hngah ta a hau ti lo.

Acung lei thawngthanhmi kong he pehtlai in nan fian lomi le bawmh nan herhmi um ahcun rak kan chawn/chim te uh. A herhmi tuahpiak le bawmh khawh kan i zuam telai.

Siaherhnak he,
Van Ceu Uk

Leave a Reply

Your email address will not be published. Required fields are marked *