Oops! It appears that you have disabled your Javascript. In order for you to see this page as it is meant to appear, we ask that you please re-enable your Javascript!

Ti Le Thlarau In Hrinthan, Zeidah A Si: By Anna Sui Hlei Sung

Zeidah a si ti le thlarau in hrinthan
Jesuh nih fiang tein a kan chim ti le thlarau in hrin than lo poah cu Pastor an si ah ,khrihfa an si ah ,Dr le cathiam sang an si ah cathiam lo an si ah vancung pennak chungah an lut kho lai lo.Ti le thlarau in hrin than na si cang maw ? ka si cang maw ? Kan mah tein i zoh than tuah hna u sih ,midang va zoh loin ;
Pathian cu kan naih ah cu a kan naih ve lai i kan caan le kan nun in kan kawl ah cun a kan kawl ve lai.Pathian nih a mah a naih deuh mi le a caan le a nun in a kawl deuh mi le a kawl lo mi cu a kan tleidan ve ,tleidan hmang mi Pathian a si lo nain a mah Pathian a naih mi cu Pathian nih a naih deuh ve hna.


John 3:3 Jesuh nih cun, “Biatak tein kan chimh: Ahohmanh hrin than a si lo ahcun Pathian Pennak kha a hmu kho lai lo,” tiah a leh.
Thlarau in hrin mi cu thlitu khuazei in dah a rat khuazei in dah a kal tiah kan theih lo bantuk kha a si.
Pathian cu kan naih a si ah cun a kan naih ve lai.misual mi hna nan kut tawl uh ti mi cu (Isaiah 1:16) Thiang tein i kholh u. Nan tuah lengmang ka hmuhmi that lonak hi ngol hna u. that lonak cu tuah ti hna hlah u law.sual nak tuah ti lo ding ngol ter kha a chim duh mi a si.miziathiam ti mi cu( Psalm 119:113-115)
Bawipa Nawlbia Himnak A Si
113 Na sinah zumhawktlak in a um lomi cu ka huat hna, sihmanhsehlaw kei cu na phunglam kha ka duh.114 Nangmah cu a ka khamhtu le a ka hupphengtu na si,
na biakam cu kaa bochan 115 Nannih misual mi hna, ka kaltak u,kei cu ka Pathian nawlbia kha ka zul lai.ziathiam mi si loin zumhawkthlak mi si kha a kan fial mi a si.
John 3: 8 Thlitu cu a duhnak paoh ah a hrang ko; a thawng cu na theih, sihmanhsehlaw khuazei in dah a rat le khuazei ah dah a kal kha na hngal lo. Thlarau in hrin a simi cu, cu bantuk cun an si ve,” tiah a ti.
Jeim 4: 8 Pathian cu naih u law an naih ve hna lai. Misual mi hna, nan kut kha i tawl u. Miziathiam hna, nan lung kha i thianh u.

I. Thiang thlarau(Holy spirit)
**************************
Pathian fa thlarau kan ti lengmang mi cu mining phung ning kha a si loin Pathian hrimhrim kha pa a si.vawlei hring tu pa khi vawlei hrinso pa a si i ,thlarau hrinmi kan pa cu Pathian Jesuh hrimhrim kha a si.
John 3:5)5 Jesuh nih cun, “Biatak tein kan chimh: ahohmanh ti le Thlarau in hrin a si lo ahcun Pathian Pennak chungah cun a lut kho lai lo.
John 1:13 Pathian fa an can cu minung phung ningin a si lo; vawlei cung i hrinsor ningin a si lo, Pathian hrimhrim kha an Pa cu a si.

1) Aherh hrimhrim mi cu Pathian hi khamhtu le tlanhtu caah kan i bochan khawh ah cun

Bible nih vawlei minung cu a hohman miding an um lo a ti a hohman miding kan um lo caah Pathian sunpernak cu miding mi hna caah a si fawn i Cu pathian sunpernak cu kan bau dih cio ko,Nain pathian laksawng cu zungzal nunnak a si i cu zungzal nunnak cu Jesuh khrih he pehtlaihmi nunnak cu a si.
Rom 3:23 zeicahtiah mi vialte cu kan sual dih cio ko i Pathian sunparnak kha kan bau dih cio ko.
Rom 6:23 Zeicahtiah sualnak man cu thihnak a si, sihmanhsehlaw Pathian laksawng cu zungzal nunnak a si i cu nunnak cu kan Bawipa Jesuh Khrih he aa pehtlaimi nunnak a si.

2) Thihnak in Jesuh khrih zumhnak thawngin hrin tharnak
Pathian laksawng a si mi Jesuh khrih he pehtlaihmi khamhnak le zumhnak le nunnak he hrin tharnak kan ngeih hnu cun Pathian fa cannak nawl kha a kan pek i ro co tu fa kan si cang caah Pathian nih a ngeih mi poah kha kan ta a si ve.
John 1:12 Asinain tlawmpal nih cun an rak cohlan i an rak zumh i cu hna cu Pathian fa cannak nawl kha a pek hna.

3) mikip caah thiang thlarau thawnnak thawngin mi tharter

Mikip caah hrin thannak cu ti le thlarau thawngin a si.ti le thlarau cu Jesuh khamhnak le thianhternak le Pathian nih a hrin thar mi mi a mah pathian hrimhrim Pa a si nak kha a si.
Titus 3:5 cu a kan khamhnak cu hrinthannak ti thawng le Thiang Thlarau nih mi tharter khawhnak a ngeihmi thawnnak thawngin a si.

4).Thiangthlarau kan herh
Thiang thlarau loin cun cawnpiak tu le lam hmuhsak tu ka ngeih lo caah thiang thlarau kan herh bik a si.Pathian min ka laknak hram pi cu Jesuh a si.kan chunglei minung sinak a thawnmi kan si nak hnga lo zumhnak thawng in Jesuh khrih cu kan nun ah khua a sak nak hnga le a sunpernak ro bukbau chungah thawnnak a kan pek nak hnga pathian sin ah thlacawm peng a hau.Pathian dawtnak chungah hri hram fek tein bunh i Pathian dawtnak a kauning le a thuhning a sanning vialte kha Pathian sinah hri hram fek tein ka bunh in kan cam ah cun cu vialte cu a kan hmusak khawh.A dawt nak a tling nak kha kan hmuh kho lai.

EFesa 3:14-19)Khrih Dawtnak
14 Hi ruangah hin kan Pa hmaiah khuk bil in ka kun tawn, 15 amah hi vawlei cung i khua a sami innchungkhar vialte nih an min an i laknak hram a si. 16-17 Nan chunglei minung sinak ah a thawngmi nan si nakhnga le zumhnak thawngin Khrih cu nan lungthin chungah khua a sak nakhnga, cun a sunparnak ro bukbau chungin A Thlarau thawngin thawnnak an pek hna nakhnga, Pathian cu ka nawl. Nan hrih nan hram cu dawtnak chungah fek tein nan bunh nakhnga le 18 Pathian mi vialte hna he Khrih dawtnak a kauhning le a sauning le a sanning le a thuhning kha nan hngalh khawh nakhnga, nan caah thla ka cam. 19 A dawtnak hi tling lak ngaingai cun hngalh khawh a si lo nain nan hngalh te ko lai. Cucaah Pathian tlinnak a tlingmi cun khat ko u.

5)Nun thlennak kan herh
Minung sinak in misual sual in hrin mi fa kan si i minung vialte hi Pathian hmai ah miding a hohman kan um lo.miding ka si na ti chung poah cu Pathian he ral na si.(Rom 1-18-32)Minung Sualnak
18 Sihmanhsehlaw Pathian thinhunnak cu vancung in a rung lang i minung sualnak le that lonak dihlak cungah khan a rung tlung; cu an that lonak cu biatak kha lang kho loin a dawntu an that lonak kha a si. 19 Minung cu Pathian kong hngalh khawh a simi thil hna kha Pathian hrimhrim nih fiang tein a hmuhsak ko hna nain 20 an hmu duh lo, cucaah dan a tat hna. Vawlei a ser hramthawkte khan Pathian nih cun, hmuh khawh a si lomi a sining, zungzal hmunmi a thawnnak le a Pathian sinak kha, fiang tein a langhter ko. Cucaah i silhnalh khawhnak zeihmanh an ngei lo! 21 Pathian cu hngalh cu an hngalh ko, sihmanhsehlaw pek awk a simi upatnak kha an pe duh lo; a lawmh zong an lawm duh fawn lo. An ruahnak kha pakpalawng tu ah a cang i an lungthin kawlawngpi cu muihnak in a khat.
Pathian nih a kan hngalh ter ko nain kan hngalh duh lo i ka lawmh lo upat zungzal a hmun mi le athawnnak kha a langh ko nain Pathian sinak kha fiang tein a langh ko nain minung nih upat nak an pe lo an lawmh duh fawn lo i an ruahnak kha pakpalawng le thinlung lawlawngpi cu muihnak in a khat.pathian thinhunnak cu muihnka lam cu thihnak a si ko lio ah a fapa Jesuh cu thihnakmi le thawter nak thawng in a ra lio mi pathian thinhunnak ing ding kan sinak in Jesuh thisen in luatnak kan hmuh kha a si.
Kan nun hi zeiban tuk nun ah dah a um Pathian upat duh lo mi le lawmh zong a lawmh duh lo mi nun ka si sual maw?
Efesa 2:3 A ngaingai ti ahcun, kan dihlak hin anmah bantuk cu kan rak si i kan i chuahkehpimi kan pumsa duhnak zulh khan khua kan rak sa i kan pum le kan lungthin duhnak he aa tlakmi paoh kha kan rak tuah. Midang cio bantukin kannih zong Pathian thinhunnak ing ding kan rak si.
Psalm 51:5 Sual cia in hrin ka si,
ka nu nih a ka pawi ah khan,
misual ka si cang.
1Thes 1: 10 Pathian taktak a simi Pathian nung biak awk le vancung in a ra laimi a Fapa hngah awkah siasal biaknak in Pathian leiah nan i mer kha an chim i cu a fapa Jesuh cu thihnak in a thawhtermi le a ra liomi Pathian thinhunnak in a kan chanhtu kha a si.

6).kan Bawi hi kan i thleng hrimhrim a herh
Minung nih kan nunnak ah hin uk tu bawi kan ngeih cio i,kan ngeih mi bawi hi aa dang cio pakhat le pakhat; kan mah a kan uk tu bawi hi a hodah a si ti hi theih hrim a hau ,Kan nunnak ah bawi pahnih rian kan tuan kho lo, keimah nun in ka chia mi ka bawi pathian thiang thlarau a si tikah zei ka tuah poah ah ka bawi a si mi thiang thlarau a ngeih ka chiatter maw ti kha ka thinlung chungah ka chia i,thiang thlarau ngeih ka chiatter ti ka theih ah cun thlacamnak in ngaihthiamnak ka hal than lengmang a tu le tu in.zei ruangah tiah Thiang thlarau cu ka bawi a si caah a si.cu thiang thlarau nih cun ka caah a thatlo mi chung zong le ka theih kho lo mi thil harnak in a ka khamh kho tu a si fawn ko.cu thiang thlarau nih ka tuah hnga ding mi kha a ka cawnpiak i a ka hmuhsak tikah nawlbia le minung cawnpiaknak nakin in a let 100% in a fim i thil a ra lai mi hngalhnak angeih.
Cu thiang thlarau lam hruainak thawng in sualnak in a ka luatter i vawlei sualnak ah kal lo ding zong in a ka khamh kho tu le vawlei sualnak in a rak zulh lai mi hrawhralh nak zong kha fiang tein a ka hmuhsak.cucu Jesuh khrih thisen zumhnak thawng in thiang thlarau cu pek kan si.nunnak a pek mi pathian fapa zumhnak thawngin nunnak kan hmuh i thiang thlarau co kan si.Jesuh he aa pehtlai mi cu nunnak lam cu a si.
Rom 6:17-23)
3 Khrih Jesuh he pehtlaihnak chung i tipil kan in ah khan a thihnak he i pehtlaihnak chungah kan i hnim ti kha nan philh dahra? 17 Sihmanhsehlaw Pathian cu lawm cio ko u sih. Zeicahtiah nannih cu sualnak sal nan rak si nain cawnpiaknak nan hmuhmi chung i a ummi biatak kha nan lungthin dihlak in nan zulh cang. 18 Sualnak chungin luatter nan si cang i dinnak sal ah khan nan i cang cang. 19 Hi bantukin tahchunhnak bia ka hman hi, nannih nih nan hngalh khawh deuh nakhnga ka duh caah a si. Hlanah cun a tha lomi thil tuah awkah thurhnawmhnak le that lonak sal nan rak si. Cu bantuk thiamthiam in atu cu a thiangmi thil tuah awkah dinnak sal nan si awk a si.20 Sualnak sal nan rak si ah khan dinnak chungin nan rak luat; 21 asinain zeital a miak nan hmu maw? Atu i nan i zahpimi thil hna dah ti lo hi cu, zeihmanh nan hmu lo. Cu hna an donghnak cu thihnak a si. 22 Sihmanhsehlaw atu cu sualnak chung khan luatter nan si cang i Pathian sal nan si cang; nan miakmi cu Pathian sinah 8pekchanhmi nunning a si i cu nih a chuahpimi cu zungzal nunnak a si. 23 Zeicahtiah sualnak man cu thihnak a si, sihmanhsehlaw Pathian laksawng cu zungzal nunnak a si i cu nunnak cu kan Bawipa Jesuh Khrih he aa pehtlaimi nunnak a si.

Galati 2:20 cucaah a nungmi cu keimah kha ka si ti lo, ka chung i a ummi Khrih tu hi a si deuh. Atu i ka nunmi nunning hi, a ka daw i ka ca i a nunnak a pemi Pathian Fapa zumhnak thawngin ka nung.
Kolose 2:12 Zeicahtiah tipil nan in tikah Khrih sinah nan i vui, cun tipil nan innak ah cun, thihnak in a thawhtertu Pathian thawnnak nan zumhnak thawngin Khrih sinah cun a thawh zong nan tho fawn.

7). nunning hlun kha kal tak in nunning thar Pathian he aa lo in sermi mihring thar kha hruk awk a si.
Vawlei nun le vawlei thil le pumsa duhnak vawlei nuning lengmang le hrawhnak kha kal tak in ;Pathian he aa lo mi sermi mihring thar kha i hruk i a dingmi le a thiangmi nunning in nung kha nunnak taktak cu a si.micheu nih kan i thawh i dinfel nak le dinnak kan dirh pi ko nain farasi bantuk in keimah miding mithiang ka si ti i midang zei rel lo an um ve khikhi khrih nunning cu a rak si lo farasi nunning tu a rak si deuh lai mi chungah cu bantuk nunning pawl farasi kan tam ngai nain farasi nunning i hruk ti loin khrih nunning tu kha i hruk cang hna u sih Bawi khrih min in kan sawm hna.
Khrih nunning kan i hruk cun khrih sinah kan langh i a mah khrih zong kan sinah alangh caah a sunprnak lianngannak a kan hrawm ve nak a si.Kan sualnak kan ngeihchih i Jesuh khrih min in tipil nak kan ing ah cun thiang thlarau kha pek kan si lai.(1)Pa le fapa le thiang thlarau in tipil ing nak kha sualngeihchih in Jesuh thihnak le thawhthannak kan i hrawmhnak tehte a si i ;(2)Jesuh min in tipilnak ing mi tu cu a mah Pathian lasawng thiang thlarau co hmuh nak tehte tu kha a si.
Johan nih Jordan tiva ah aa chawk i nan nun kha thinh u law tipil nak ing uh a ti.lam bingbo kha thlorhnalh ter uh a khuarhnak hmun vialte kha rak chilh uh tlang sang le fing bo kip vialte kha rawnter uh aa ngerhmi vialte dinter uh a ti.cucu zeidah a si tiah cun sual ngeihchihnak chungah i phumh i kan nun ziaza a thalo mi le kan thinlung tlangsang mi kip rawn tein chia le aa ngerh mi kan ziaza thalo dinter le kan nun ziaza lam bing bo mi caah harnak petu vialte remh tlorhnalh tein chilh i midang caah thluachuah mi si ter kha a si.Abraham bantuk in thlarau tefa tam pi ngeih i thluachuah mi si kha a si.

Efesa 4:22-24)22 Cucaah nan rak nun tawnning in an nuntertu hna nan mihring hlun kha hlaw u, cu mihring hlun cu pumsa duhnak hlenhmang nih a hrawh lengmang tawnmi kha a si.23 Nan lungthin le nan ruahnak ah ser tharmi nan si awk a si.24 Pathian he aa lo in sermi nan mihring thar kha i hruk u law cucu a dingmi le a thiangmi nunning i a langmi nunnak taktak kha a si.
Kolose 3:9-10)3 Zeicahtiah nan thi cang i nan nunnak cu Khrih he Pathian chungah aa thup. 4 Nan nunnak taktak cu Khrih kha a si i amah cu a langh tikah nannih zong amah sinah cun nan lang ve lai i a sunparnak cu nan i hrawm lai.
9 Nan mi hlun cu a hman tawnmi a ziaza he khan nan i phoih cang i 10 mi thar cu nan i hruk cang caah pakhat le pakhat i hleng hlah u. Hi mi thar hi a sertu Pathian nih amah mui lo chin lengmang in a tharchuah lengmangmi cu a si i cucu amah hngalhnak kha tlamtling tein nan ngeih khawh nakhnga caah a si.
Lamkaltu 2:38 Peter nih annih cu a thawh hna i, “Nan dihlak in, pakhat hmanh bau loin, nan sualnak khan i mer tuah u, nan sualnak kha, ngaihthiam nan si nakhnga nan sualnak khan i mer u law Jesuh Khrih min in tipilnak ing tuah u; cun Pathian laksawng Thiang Thlarau kha nan hmuh lai.
Luke 3:3-4). 3 Cucaah Jordan tiva hrawn hrawngah khan Johan cu aa chawk i, “Nan nun thin u law tipilnak ing u. Cun Pathian nih nan sualnak an ngaihthiam hna lai,” a ti hna i 5 A kuarhnak hmun vialte
kha rak chilh hna u law Tlang sang le fing bo kip kha rak rawnhter hna u;Lam aa ngerhmi kha rak dinter hna u,Lam bingbo vialte kha rak tlorhnalh hna u;8 Nan nun nan thinh cu nan thil timi ah khan langhter u. ‘Abraham pei a kan hringsortu cu a si tiah,’ ti len hlah u. Pathian nih cun a duh ahcun hi lung hi a lak hna lai i Abraham tefa ah cun a ser khawh ko hna.
Ezekiel 11:19 Lungthin dang ka pek hna lai i an chungah thlarau thar ka khumh lai; an pum chungin lung bantukin a hakmi lung an ngeihmi kha ka chuah lai i titsa bantukin a nemmi lung kha ka pek hna lai.
Ezekiel 36:26 Lungthin thar kan pek hna lai i thlarau thar nan chungah ka khumh lai. Nan pum chungin lung bantukin a hakmi nan lung kha ka lak lai i titsa bantukin a nemmi lung kha kan pek hna lai.

8) nunning hlun thih le nunning thar in khrih chungah
Khrih he kan i pehtlaih tikah mithar kan si i ;nunning hlun kha a lo cang i nunning thar kha aa thawk cang. Kan nun kha kan thlen i hngakchia bantuk in nung lo cun vancung pennak ah kan lut kho lai lo.cucu zeizah a chim duh ti ah cun hngakchia thinlung kha vancung pennak caah tah chunnak a lak nak a ruang cu hngakchia thinlung le ruahnak cu a thiang mi thinlung kha a tah chunduhnak cu a si.thinlung thiang mi le ruahnak thiang a ngeih mi lawng kha vancung pennak ah lut kho a si.midang nun va tah lengmang nak ruahnak le lungthin thiang lo keimah midin mifel keimah ti mi ruahnak le thinlung kha vancung pennak hmuh kho lo nak lam a si.hngakchia bantuk in kan sining tein Pathian kan fuh kho mi kha vancung pennak lutnak a si.
TI le tharau in hrin than lo mi poah cu vancung pennak ah an lut kho lai lo.mah zawn lawng aa ruat i ahmaanmi a duh lo mi kha Pathian nih thinlinhnak le thinhunnak a toih hna lai.
2korin 5:;7 zeicahtiah mit hmuh in si loin zumhnak tu in kan kal.17 Mi zeihmanh hi Khrih he an i pehtlaih tikah cun mi thar a si; a nunning hlun kha a lo cang, nunning thar kha aa thawk cang.
matt 18:3 “Nannih cu nan i thlen i ngakchia bantuk ah nan i can lo ahcun Vancung Pennak chungah nan lut bal lai lo.
John 3:3 Jesuh nih cun, “Biatak tein kan chimh: Ahohmanh hrin than a si lo ahcun Pathian Pennak kha a hmu kho lai lo,” tiah a leh.
Rom 2:8 Cun mi a cheu cu anmah zawn lawng kha an i ruat i ahmaanmi kha an duh lo i ahmaan lomi tu kha an zulh; cu hna cu Pathian nih a thinhunnak le a thinlinhnak kha a toih hna lai.

9 ) thiangthlarau pakhat he nun i thlentti nak
Pathian cu minung lakah khua a rak sa i pathian sunpernak lianngannak kha kan hmuh i a velhngeihnak in a khat.supernak ngeih tu cu Pathian fapa Jesuh lawnglawng kha a si.sunpernak le lianngannak le upatnak cu pathian fapa Jesuh pakhat lawnglawng kha kan pek awk a si.mi vialte cungah nawlngeihnak cu fapa Jesuh khrih pakhat lawnglawng kha a si.
Thiang tlarau a co lo mi thlarau ngeihlo mi nih pathian thlarau sinin a ra mi thlarau laksawng kha an hmuh kho lo i thlarau laksawng sining cu thlarau co tu lawng nih hngalh khawh a si.thlarau co lo mi hna caah cun pakpalawng menmen zeihmanlo a si ve fawn ko.thlarau a co tu nih cun a that le a chia kha a khing an tlaih khawh midang nih sual an phawt kho hna lo.minung sining nih a kan uk i usa kan pek ah cun minung sining ruahnak thinlung nih a kan hruaih lai i,thiang thlarau sining duhnak Nih a kan uk i usa kan pek ah cun thiang thlarau nih a kan hruai ve.keimah ka nun zong ah nitin tein ka minung duhnak usa ka pek deuh poah vawlei sualnak le hnahnawhnak chungah ka tang ve i,thiang thlarau duhning usa ka pek poah ah thlarau laksawng lawmnak hnangam daihnak kha 100% in a khat ve fawn.

John 1:14 Bia cu minung ah a cang i kan lakah khua a rung sa. A sunparnak cu kan hun hmuh i vel le biatak in a khat. Cu sunparnak cu Pa nih a Fapa ngeihchunte lawnglawng a pekmi sunparnak phun kha a si.
John 17: 2 Na ka pekmi vialte hna cu zungzal nunnak ka pek hna nakhnga mi vialte cung i nawl ngeihnak cu na ka pek cang.
1korin 2:14 Sihmanhsehlaw Thlarau a ngei lomi nih cun Pathian Thlarau sinin a rami laksawng cu an hmu kho lo. Fiang in an hngal kho ngaingai hna lo; laksawng a sinning kha thlarau lei lawngin hngalh khawh a si caah annih caah cun pakpalawng men a si ko.15 Thlarau a ngeimi nih cun zeizong vialte kha an that an chiat an khing an thlai khawh, sihmanhsehlaw anmah tu cu ahohmanh nih sual an phaw kho hna lo.
Rom 8:5 An minung sining nih tuah u a ti hna ning paoh in a nungmi cu minung sining nih a duhmi nih khan an lungthin cu a uk hna. Thlarau nih a chimh hna ningin a nungmi cu Thlarau nih a duhmi nih khan an lungthin cu a uk hna. 6 Nan lungthin cu minung sining nih a uk ahcun a phichuak cu thihnak a si; nan lungthin cu Thlarau nih a uk ahcun a phichuak cu nunnak le daihnak a si. 7 Cucaah minung cu a lungthin kha minung sining nih a uk ahcun Pathian ral a si; zeicahtiah Pathian nawl kha a zul lo, a ngaingai ti ahcun a zulh in a zul kho lo. 8 An minung sining duhnak a zulmi nih cun Pathian kha an lawmhter kho lo.

10).Thiang thlarau nih zalawng tein le
Lam hruai riantuannak
PAthian hrimhrim kha pa cu a si i,vancung a runtum mi changreu cu keimah ka si a ti.changreu cu Jesuh nih keimah ka si a ti.cu caah pa cu Jesuh kha a si ko ti cu fiang tein kan hmuh.vancung in a runtum mi changreu cu keimah ka si a ti caah Juduh mi an thin a hung i Jesuh nih a let hna i nan phunzaihnak ngol ko u a ti hna.a ka thla tu pa nih khan ka sinah an hnuk hna dah lo cun ahohman ka sin nan ra kho lai lo a ti nak cu Jesuh a thla tu kha pathian a si i cu pathian cu vancung i a runtum mi changreu cu keimah ka si a ti Jesuh nih changreu cu keimah ka si a ti ve pa kan ti lengmang mi zong Jesuh kha a si thiamthiam.ni hmanung bik ah cun Jesuh kha an hlawt lai i nunnak lam kha an hmuh kho lai lo.Jesuh tukawm in innka lam a kawl mi lawng nih vancung pennak ah an lut lai.

John 3: 8 Thlitu cu a duhnak paoh ah a hrang ko; a thawng cu na theih, sihmanhsehlaw khuazei in dah a rat le khuazei ah dah a kal kha na hngal lo. Thlarau in hrin a simi cu, cu bantuk cun an si ve,” tiah a ti.
John 1:13 Pathian fa an can cu minung phung ningin a si lo; vawlei cung i hrinsor ningin a si lo, Pathian hrimhrim kha an Pa cu a si.
John 6:41 “Vancung in a rung tummi changreu cu keimah hi ka si,” tiah a ti caah khan Judah mi cu an zai.43 Jesuh nih cun a leh hna i, “Nan phunzai len cu ngol ko u. 44 A ka thlahtu ka Pa nih ka sinah a hnuh hna dah ti lo ahcun ahohmanh ka sinah an ra kho lo, cun cu hna cu ni hmanung bik ni ah nunnak ah ka thawhter te hna lai.
61 A zultu pawl kha cu kong ah cun an zai lengmang ti kha Jesuh nih a lungchung in a hngalh i cucaah a thawh hna i, “Hi bantukin kan cawnpiakmi hna nih hin nan thin an hunter hna maw?62 Mi Fapa hi hmasa i ka rak umnak hmun i ka kai kha ka hmu u law tah zeitindah nan um kun hnga?63 Nunnak petu cu Pathian Thlarau a si; minung thawnnak hi cu zeihmanh a thahnem lo. Nannih kan chimhmi hna bia hi Thlarau le nunnak cu an si.64 Asinain a cheu nih cun nan zum lo,” tiah a ti. (Jesuh nih khan a hramthawkte in ahodah a zumtu an si lai i ahodah a ka leitu a si lai ti kha a hngalh ko.)65 Cun aa thawh than i, “Hi ruangah hin pei, ka Pa nih an caah lam a serpiak hna lo ahcun ahohmanh ka sinah an ra kho lo, tiah ka rak in chimh hna kha a si cu,” tiah a ti.
1korin1: 24 Sihmanhsehlaw Pathian nih a kawhmi hna caah cun, Judah mi an si zongah Jentail mi an si zongah, cu bia cu Khrih kha a si i Khrih cu Pathian hmual le Pathian fimnak kha a si.
2korin 4;6 “Muihnak chungin ceunak hung ceu seh,” tiah a titu Pathian thiamthiam kha kan lung chungah amah ceunak a ceutertu cu a si; Khrih hmai cungah a ceumi Pathian sunparnak hngalhnak ceunak kha a kan pek.

11).zumhtu cawnpiaknak pali pakhat le pakhat dawtnak kong

1)Pathian kha sunpernak pe ulaw i toidor uh.
Pathian cu sunpernak lianngannak le upat nak pek in toidor nak he kan hlorh tikah a mah zong nih a caan a za tikah a kan hlorh ve lai.Pathian sunpernak kha midang hrawm a duh hna lo amah pathian pakhat lawnglawng pek ding mi sunpernak cu a si.vawlei mirum le milianngan siasel hna hrawm a duh lo sunpernak cu pathian pakhat lawnglawng kan pek awk a si.na nun ah a hodah sunpernak na pek phaisa maw vawlei mirum lianngannak maw siasel maw a hodah na pek i zoh than ta u sih.keimah ka nun ah cun pathian pakhat lawnglawng sunpernak cu ka pek mi a si caah Pathian thangthat nak le upat lianngannak pek le a min hlorh cu kan nun ah rawl thawh bik ka lunglawmhnak ngan bik le a tling bik ah aa cang.cu bantuk nun cu a mah pathian lawnglawng kha sunpernak pe tu nun ah a um mi a si.
Vawlei zei rel lo mi le nautatmi hna kha Pathian nih a kan thim nak cun,vawlei phorhlawt pi tlak a si lo nak langhter nak caah nautatmi mi kha a kan thim i a hmang nak hnga cu a si.Pathian hmai ah mi zeihman phorhlawt kho a si lo.phorhlawt pi tlak cu Pathian nih a tuah mi kha le amah pathian kha phorhlawt pi tlak a si.
Ahohman minung tuah khawh mi thil ah phorhlawt awk a si lo.zeizong vialte hi Pathian ta lawnglawng a si dih.cu caah ahohman kha thangthat hlei hlah , ahohman kha namh hlei hlah ser tu pathian cu a hodah a si ti tu kha ruat deuh awk a si.Thawngtha chimnak zong hi i phorhlawt awk a si lo a fial in fial mi nan si.zei kan tuah hmanh ah, kan ei ah siseh, kan din ah siseh, kan tuahmi cu a dihlak in Pathian thangthatnak caah siter ko u. Kan tuah mi poah tu kha Pathian thangthat nak caah ka tuah awk tu a si.Kan ruam a kai awk a si lo, Pakhat le pakhat kan thin kan i hunter awk a si lo, pakhat le pakhat kan i nahchuah awk a si lo.
Bawi jesuh khrih vailam lawng hi phorhlawt pi tlak cu a si.
Isaiah 42 :8 “Keimah lawnglawng hi Bawipa na Pathian cu ka si.Ka sunparnak hi pathian dang ahohmanh hrawm ka duh hna lo i ka thangthatnak hi siasal zeihmanh hrawm ka duh hna lo.
1korin 1:27-31)27 Vawlei nih zeihmanh ah a rel lomi thil Pathian nih a thim thengnak cu, mifim mi kha an ningzak seh tinak caah a si i vawlei nih a der tiah a timi thil a thim thengnak cu mithawng mi le thil ti khomi hna kha an ningzak seh ti caah a si. 28 Vawlei nih thil pipa i a ruahmi kha hrawh awkah vawlei nih a nautatmi le zei i a rel lomi le pakpalawng i a ruahmi hna a thim hnanak cu a si. 29 Cu nih cun a fiantermi cu, Pathian hmaiah cun ahohmanh an i porhlaw kho lo, ti hi a si. 30 Sihmanhsehlaw Pathian nih cun kannih cu Khrih Jesuh he a kan pehtlaihter cang i Pathian nih Khrih cu kannih fimnak caah a ser cang; amah thawng cun kannih cu Pathian he kan i rem i Pathian mithiang ah kan cang i a luatmi kan si. 31 Cucaah cun Cathiang nih,“Porhlawt a duhmi cu
Bawipa nih a tuahmi kha i porhlawtpi ko hna seh,”a ti bang khan, porhlawt a duhmi nih cun Bawipa nih a tuahmi tu kha an i porhlawt awk a si.

1korin 3: 21 Cucaah cun ahohmanh nih minung tuah khawhmi thil kha kan i porhlawt awk a si lo. A ngaingai ti ahcun zeizong vialte hi nanmah ta tu an si dih:
1korin 4:6-7)6 Ka u le ka nau hna, nanmah thatnak ding caah hi thil vialte hi Apollo le keimah kong in kan chimh hna. Hi bantukin kanmah pahnih kong tahchunhnak ah kan lakpiak hna cu, “Phung leng lonh hlah u,” ti tawnmi kha a sullam nan hngalh khawh nakhnga caah a si. Ahohmanh thangthat hlei hna hlah u, ahohmanh namh hlei hna hlah u. 7 Midang nakin cungnung deuh ah aho nih dah an ser? Pathian pek a si lomi na ngeihmi zeital a um maw? Cucaah cun nan hmuhmi cu alak in hei hmu hlah u law cu bang, zeitindah nan i porhlawt khawh?
1korin 9:16 Thawngtha ka chim ruang menmen ah hin kaa porhlawt awk a si lo. A ngaite ti ahcun, va chim, tiah fial pei ka si cu. Thawngtha cu chim loin rak um ning law zeitluk in dik ka caah a poi hnga!
1korin 10:17-18)
17 Changreu kan i phawtmi cu hlum khat a si bantukin kannih cu kan tampi nain pum khat kan si; zeicahtiah kan dihlak in cu changreu hlum khat cu kan i hrawm.18 Hebru mi kha ruat hna hmanh u, raithawinak ah pekchanhmi sa a eimi paoh cu Pathian biaktheng riantuannak ah khan an i tel ve. 31 A si ko, sihmanhsehlaw zei nan tuah hmanh ah, nan ei ah siseh, nan din ah siseh, nan tuahmi cu a dihlak in Pathian thangthatnak caah siter ko u.
Gal 5:. 26 Kan ruam a kai awk a si lo, Pakhat le pakhat kan thin kan i hunter awk a si lo, pakhat le pakhat kan i nahchuah awk a si lo.
Gal 6:14 Kei tu cu Bawipa Jesuh Khrih vailam lawng hi kaa porhlawtpi ko lai, zeicahtiah Khrih vailam thawng hin vawlei hi ka caah a thimi thil a si cang i kei zong hi vawlei caah cun a thimi ka si ve.
1Thes 2:6-7 Khrih lamkaltu kan si bantukin a hnek zong kan in hnek kho ko hna hnga nain, ahohmanh nanmah zong midang zong, nan sinin thangthatnak hmuh kan i zuam lo. Nu nih a fale a zohkhenh hna bantuk tu in nan sinah khan nem tein kan um.
Jeim 1:17 Laksawng tha le laksawng tlamtling paohpaoh hi vancung in a rami an si; vancung i a ceumi thil a Sertu Pathian sinin a rami an si. Amah cu aa thleng lo, vancung thil ceu hna le cu thil ceu hna thladem cu an i thleng lengmang nain anih cu aa thleng bal lo.
Job 25:6 Zeitluk in dah tholung ceo a simi minung cu a si chinchin lai i,
Cangcel ceo a simi mifapa cu a si chinchin lai,” tiah a ti.
Psalm 22:6 Sihmanhsehlaw kei cu minung ka si ti lo,cangcel ka si ko cang;mi vialte nih an ka serhsat i
an ka nihsawh.

2.Toidor(Humble )
Pathian cu a thuk i a sang tuk ko nain minauta kha an zawn a ruah hna i miruamkai kha Pathian hmai ah an i thup kho lo a kan hmuh dih pathian hmai ahohman aa thup kho Um Kan um lo kan sining tein a langh dih a chiat ah siseh a that ah siseh,kan chiat ning tein le kan thatning tein Pathian hmai ah a langh dih, lih in i khuh kho kan si lo.Kan chiat ning le kan sual ning in Pathian sin ah i phuang lawlaw in toidor nak in Pathian kan panh ah cun Pathian nih a kan ngaihthiam ko lai.Pathian cu a thuk i a sang mi le a si nain misual mi le toidor mi hna zong ruahchannak a pek than fawn ko hna.
psalm 138:6 Bawipa cu hi tluk hin
a sang hringhran ko nain
minauta kha an zawn a ruah hna i
miruamkai kha a hmuh lonak ah
an i thup kho lo.

Isaiah 57:15 “Keimah cu a sang i a thiangmi Pathian, zungzal in a nungmi ka si. Hmun sang le hmun thiang ah khan ka umnak cu a si, sihmanhsehlaw mi toi aa dormi le sual ngaihchihmi hna sin zongah khan ka um i cucaah ruahchannak le hnangamnak kha an ngei than kho.

3)thiang thlarau zalawng tein in hruai nak
Kan sual ruang le Nawl ngaihlo ruangah thlarau lei ah a thi mi kan si lio ah Jesuh khrih thisen thawng in luatnak kan hmuh.
Efesa 2:1
Thihnak In Nunnak Ah
2:1 Hlanah cun nawl nan ngaih lo ruang le nan sual ruangah thlarau lei in nan rak thi.

4)zumhlo tu hna hmai ah thiang thlarau thawnnak tehte
Zumhlo tu hna hmai ah tehte kan si awk a si.kan mah doh tu pawl kha nem tein lung sau le zangfah nak tein kan chimhrin hna awk a si.cucu pathian nih an lung a thlen khawh nak hnga caah le biatak hngalhter nak caah a si.cu ka ah cun a thin a tawi ngai mi ka si ve nain bible nih lungsau tein chimhrin kha anmah i biatak hngalhter nak tehte a si.

2Tim 2:24-25) 24 Bawipa sal cu, aa si lengmangmi a si awk a si lo. Mi vialte cungah zaangfahnak a ngeimi, lung a saumi cawnpiaktu tha, 25 amah a dotu hna a chimhhrin tik hna i nem tein a chimhringmi a si awk a si. Annih cu Pathian nih an lung a thlen khawh ko hna i biatak kha a hngalhter than khawh ko hna.

12.)hrin than rih lo mi caah cun Pathian he naih nam cu thazang a si lo
Pathian he um ttih le naihnam cu pathian chungah um cu anuam tuk hringhran nain hrin than rih lo mi hna caah cun Pathian he naih hi an caah thazang a si lo i a nuamhnak zong an theih kho lo.

Psalm 73:28 Sihmanhsehlaw kei ca tu ah cun,Pathian pawng um le,
Bawipa Pathian chungah i dor le
a tuahmi thil thanh hi a va nuam hringhran dah!
Psalm 119:151 Sihmanhsehlaw maw Bawipa,nang nih cun lamnai tein na ka umpi i na biakamnak cu a si taktakmi an si.

Isaiah 55:6-7)6 Atu cu Bawipa kha kan naih ah a um caah amah leiah cun i mer u law amah sinah cun thla cam u.7 Mithalo nih an zulhmi an lam kha hlaw hna seh law an ruahning kha thleng hna seh.Bawipa kan Pathian leiah cun
i mer hna seh,amah cu mi zaangfah a thiam i khulrang in mi a ngaithiam
khotu a si.

II. Ti le Thlarau in hrinthan lo mi cu vancung pennak an lut kho lai lo
==========================
Van le Vawlei a ser i zeihman a um lo mi kha amah nih zeizong vialte a ser.cu aser mi van le vawlei ah pungsan a ngeih lo zeihman a um lo.Cu caah lam le Rili a chung um mi vialte kha aser dih.
Ti cu aherh bak mi asi i ti loin minnung hi nun khawh a si lo.Bible nih ti a sawh duh mi cu khamhnak le thianhternak le thiangthlarau
a si.Pum le lungthin a thiangter mi cu ti a si.Pathian hi thinlung le daihnak pe kho tu cu Pathian khamhnak le thianhternak ti kha dam ter tu a si.Jesuh nih a kan hmuhsak ti cung ah a kal, a mah nih lam a kan ser piak.

Ti kong
*********
Ti cu a herh bik mi a si i ; ti loin minnung hi nun khawh a si lo.Bible nih ti asawh duh mi cu khamhnak le thianhternak thiang thlarau a si.Ti cu thiangternak ti thiang thinlung le pum a si.vancung pennak ah lut a duh mi nih cun kan mihring sinak in vancung pennak lut khawh a si lo.zeiruangah tiah minung kan mihring sinak misual sual cia in hrin kan si i ;nawl bia Pathian he ral kan si.Pathian he tonnak ding le Pathian vancung pennak ram chungah va lut nak ah cun khamhnak le thianhternak kha kan herh mi hmasat ;cu khamhnak le thianhterhnak cu vawlei kan um lio hrimhrim ah tuah a herh mi a si.khamhnak cu theihnak in a ra mi a si i ,Cu theihnak cu Jesuh khrih kong theihnak in a ra mi a si(Rom 10:17).Thianhternak cu Jesuh khrih kong kan theih i ;kan zumh i, a ka khamhtu le tlanhtu a si tiah kan co hlang i, kan zumh hnu ah Cu zumhnak thawngin thiam co ter kan si.Abraham kha a zumhnak thawngin thiamcoter dinnak ah cohlangpiak a si(Gen 15:6).Kan mah zumhtu zong hi kan zumhnak dinnak ah cohlangpiak thiamcoter kan si ve.Cu caah Pathian he ton a duh mi le vancung pennak chungah lut a duh mi nih cun khamhnak le thianhternak kha kan kawl hmasat a hau Cu khamhnak le thianhternak a herh i a duh mi poah nih Jesuh khrih kan panh Jesuh cawnpiaknak le bible bia Pathian thawngtha ti hal le rawl ttam bantuk kan kawl i kan zumh a herh cucu bible ni ” ti” a sawh duh mi kha a si.cucu amah Pathian bia chungah a um dih mi a si.
Jesuh nih a kan hmuhsak ticung ah a kal, a mah nih lam a kan ser piak.Vawlei le van a ser i zeihman a um lo mi kha amah nih zeizong vialte a ser.sermi thil vialte nih pathian kha ttihzah buin kan thangthat lai i kan biak lai i Pathian cu sunpernak le upat lianngannak le thangthatnak in kan hlorh lai.muihnak le a thuk bik mi Rili a sang bik van horhkuang zongah khin Pathian nih a kan hmuh khawh dih,Pathian hmai ah zeihman ai thup kho lo.
Gen 1:1-3)Sernak Kong
1 A hramthawk ah, Pathian nih van le vawlei a ser hna tikah,a 2 vawlei cu mui zong a ngei lo, pungsan zong a ngei lo. Rilipi cu muihnak nih a khuh i ti cungah cun Pathian thawnnak cu aa chawk. 3 Cun Pathian nih, “Ceunak um seh,” tiah a ti i ceunak cu a hung um.
Biathlam 14: 7 Aw thang piin, “Pathian kha tih u law a lianhngannak kha thangthat u. Zeicahtiah amah nih minung vialte bia a ceih hna lai caan kha a phan cang. Van le vawlei le rili le tiput a sertu kha bia u,” a ti.
Isaiah 12:3 A ti a halmi cu tikik nih lawmhnak a pek hna bangin Pathian mi cu Pathian nih
a khamh hna tikah an i lawm.”
Gen 1: 7 Cuticun Pathian nih cun van kuai cu a ser i a tang i a ummi ti le a cung i a ummi ti cu a then hna;
Job 38:4-9)4 Vawlei hram ka rak ser lioah hin khuazei ah dah na rak um?Na hngalh i na theih ahcun
ka chim tuah.5 A hmet a ngan zei ngaw si seh ti kha aho nih dah a khiah?Cucu na hngalh awk a si.
Asiloah, tahnak hri kha a cungah
aho nih dah a zam?6-7 A dohtu a tung pipi hna cu zei cungah dah an dir?Deirel arfi hna cu hmunkhat ah
hla an sak i Pathian fapa vialte hna lunglawm in an au tikah khan,Aho nih dah a killung kha a bunh?
8 Rili cu tilian in paw chungin a chuah tikah khan aho nih dah a rak zoh?9 Rili cu khuadawm in puan zual in ka rak zual i minmei chungah khan ka rak tuam i,
Mark 4:39-41)39 Jesuh cu a tho i thlitu cu, “Hrang ti hlah,” tiah nawl a pek i tilet cu, “Dai tuah,” tiah a ti. Thli cu a dai zuahmah i rili cu dai zirziar tein a um. 40 Cun Jesuh nih annih cu, “Zeicahdah cu ti hringhran in nan thin a phan? Zeicahdah zumhnak nan ngeih lo?” tiah a ti hna. 41 Sihmanhsehlaw annih cu an thin a phang tuk hringhran i pakhat le pakhat cu, “Hi pa hi mi zei ko dah a si hnga? Thlitu le tilet hmanh nih dahngai a bia an ngaih ko hi,” an ti.
Psalm 89:8-9
8 Lianngan Bik Bawipa Pathian,
ahohmanh nangmah tluk i a thawngmi an um lo;zeizong vialte ah nang cu zumhawktlak na si, Bawipa;9 nangmah nih rilipi cu na uk i a tilet cu na daihter hna.
Psalm 107:28-29)28 An harnak chung khan Bawipacu an auh i an temhinnak chung khan a khamh hna.29 Thlichia cu a daihter i tilet cu an dai
Isaiah 48:21 Bawipa nih a mi cu a lin i a romi thetse ram tan in a rak hruai hna tikah,tihal retheihnak an ing lo;lungpi chungin an caah tikha a chuahter;lungpi kha a cheu i a chungin ti a luang.
John 4:13-14)13 Jesuh nih cun, “Hi ti a dingmi paoh cu an ti a hal than lai; 14 sihmanhsehlaw keimah nih ka pekmi ti a dingmi paoh cu zeitikhmanh ah an ti a hal than ti lai lo. Ka pekmi ti cu a chungah zungzal nunnak petu cerhtiput ah a cang lai,” tiah a ti.
Jeremiah 2:13 Zeicahtiah ka mi hna nih hin that lonak pahnih an tuah:Ti nung a chuahnak cerh keimah cu an ka hlawt i Tikuang, a chungah ti a zawi kho lomi,a zutmi tikuang kha an i ser.
Isaiah 55:1-2)Pathian Nih A Zaangfah Hna Lai
55:1 Bawipa nih aa thawh i,“A ti a halmi paoh ra tuah u,hika ah hin ti a um.Tangka zeihmanh a ngei lomi hna ra tuah u,rawl kha i cawk u law ei tuah u.Ra u law mitsur zu le cawhnuk kha i cawk hna u — a man
zeihmanh pek a hau lai lo 2 Zeicahdah rawl a si tung lomi ah
nan phaisa kha nan hlohZeicahdah nan nihlawh man vialte cu nan hman dih tung i rawltam in nan um thiamthiam tung?Ka bia ngai u law ka chimmi kha tuah tuah u,
rawl vialte lakah a thaw bik kha
nan ei lai.
John 4:10-11)10 Jesuh nih cun, “Pathian nih pek an duhmi laksawng kha zeidah a si ti le, cun ti din awk an haltu hi ahodah a si ti kha hei hngal law cu, amah tu hi na hal hnga i nunnak ti kha an pek ko hnga,” tiah a ti.11 Minu nih cun, “Bawipa, ti thannak thawl na ngeih òung lo. Tikhor tiah le a thuk fawn. Khuazei ah dah nunnak ti cu na hmuh lai?15 Minu nih cun, “Bawipa, cu ti cu ka pe law tihal in um ti hlah ning, hika zongah hin ti than ah ra ti hlah ning,” tiah a ti.
Biathlam 21:6 Cun aa thawh i, “Rian ka lim dih cang. Kei cu Alfa le Omega, hramthawknak le donghnak ka si. Tihal paoh nunnak tiput ti kha man loin ka dinter hna lai. 7 Teitu a simi paoh nih hihi ka sinin an hmuh lai: Keimah cu an Pathian ka si lai i annih cu ka fa an si lai.
Biatlam 22:17 Thlarau le va ngei laimi ngaknu nih khan, “Ra u,” an ti.Hi bia a theimi paoh nih khan, “Ra u,” ti ve hna seh.A ti a halmi paoh cu ra u, nunnak ti hi a duhmi paoh nih man loin i lak u.

1.)A mit kha khua a van hmuhter hngakchia pa Khamhnak caah

Hagar cu a fapa Ishmael he an vai lio ah Pathian nih Hagar a chonh i;khamhnak an hmuh(Gen 21:17-20)17 Pathian nih ngakchiapa a tah cu a run theih i vancung in Pathian vancungmi nih khan Hagar cu a run chawnh i, “Hagar, zeicahdah na lungre a theih? Na thinphang hlah. Pathian nih ngakchiapa a tah kha a theih cang. 18 Tho law va kal law va cawi law va pom. A tefa cu miphun nganpi ah ka ser hna lai,” a ti. 19 Cun Pathian nih Hagar cu a mit kha khua a hun hmuhter i tikhor pakhat a hmuh. A va kal i ti thawl khan ti cu a va than i ngakchiapa kha a dinh. 20 Ngakchiapa cu Pathian nih a umpi i a thang i Paran ramlak ah khan khua a sa; amah cu sakah thiam ngaimi a hung si. 21 A nu nih Izipt ram in nupi a thitpiak.
Gen 21:19 Cun Pathian nih Hagar cu a mit kha khua a hun hmuhter i tikhor pakhat a hmuh. A va kal i ti thawl khan ti cu a va than i ngakchiapa kha a dinh.

2.)kan thlarau nih Pathian kha a ngaih
David siangpahrang pa nih Pathian bawmhnak kha tihal in a hal i Pathian kha dorhnak ah a herh.minung nih i dor nak hmun hi kan kawl cio i ,cu dor nak cu Pathian a si i ,kan thlarau nih Cu Dorhnak Pathian cu ti hal in a hal.
(Psalm 42:2)2 Maw a nungmi Pathian,nangmah cu tihal in kan hal;zeitik ah dah na umnak ah ka hunkhawh lai i kan biak khawh lai?
3 Chun nitlak zan khuadei in ka tap i ka mitthli lawng kha ka rawl cu
a si ko;ka ral nih, “Na Pathian cu
khuazei ah dah a si kun?” tiah
atu le atu an ka ti lengmang.
Psalm 42:1 Sazuk nih rial tidai a ngaih bantukin Maw Pathian nangmah cu kan ngai.

3 ) ti in hrinthan nak

Ti in hrin than ti mi cu Pathian bia kan theih i kan zumhnak thawngin khamhnak kan hmuh i cu khamhnak le Pathian bia in sualnak kan tuah mi kha thianhter a si.kan tuah mi sualnak le nu hrin sual nak kha cathiang in kan thianhterh i kan mah tein mi sual kan sinak kan i theih mah tein a khamh kho ding kan si lo kha kan i theih cucu a hodah khamhtu ding ah a si lai ti kan kawl i cu lio ah Jesuh vailam thisen nih a kan au i ,khamh a duh mi poah ka sin ah ra u law zungzal nunnak kan pek hna lai a kan ti nak cu a si.Jesuh nih a ti a hal mi poah cu ka sin ah ra u a ti mi cu khamhnak a duh mi poah ka sin ra u law kan khamh hna lai i zungzal nunnak kan pek hna lai ; keimah khamhnak tangah a um mi poah cu zungzal thlarau nunnak caah a si.khamhnak cu zeiruang ah kan duh ti ah nunnak duh ah a si.thih kan duh lo caah nunnak ding caah a si.thlarau kha a chim duh mi a si.zungzal a nung ding mi thih voihnih nak thlarau kong kha a chim duh mi a si.Kan pum cu a thi cio ding kan si ko a tuan le a tlai lawnglawng a si cio ko , a hmun lo mi cu thih voikhat nak kan pum kha a si i a ho poahpoah kan thih hrim ding a si i a hohman nih kan luat lai lo nain a voihnihnak thlarau kong cu ti le thlarau i hrin than mi poah poah cu vancung pennak zunzal nunnak kan hmu lai.vawlei kan um lio te ah cu lam cu thimhnak lam kan ngeih i kan pum a thih hnu ah duh thimhnak lam a um kho ti lai lo.a tu tein duh thimhnak he kal a hau a caan a um lio ah.
va le nih an nupi an huphennak i an dawt bantuk in nupi le zong nih va le bochan i zumhawk tlak tein nung a herh ve.Pathian le zumhtu mi fa cu cu bantuk cu kan si ve.
John 3:5 Jesuh nih cun, “Biatak tein kan chimh: ahohmanh ti le Thlarau in hrin a si lo ahcun Pathian Pennak chungah cun a lut kho lai lo.
Ezekiel 36:25-26)25 Nan cungah ti thiang kan theh hna lai i nannih an thurhhnawmhtertu hna thil vialte khan kan thianh hna lai; nan siasal biaknak thurhhnawmhnak vialte khan kan thianh dih hna lai. 26 Lungthin thar kan pek hna lai i thlarau thar nan chungah ka khumh lai. Nan pum chungin lung bantukin a hakmi nan lung kha ka lak lai i titsa bantukin a nemmi lung kha kan pek hna lai.
Efesa 5:25-27)25 Vale hna, Khrih nih khrihfabu cu a dawt i a nunnak a pek bantukin, nannih zong nih nan nupile kha nan dawt hna awk a si. 26 Khrihfabu cu ti in thiang tein a tawl hnuah Pathian sinah a bia in a pek. 27 Cu ti a tuah cu khrihfabu kha i dawhte le thiangte le soi awk zeihmanh um lo le dawh lonak le sawngkornak zeihmanh um lo le tlin lonak dang zeihmanh um loin amah sin lila ah khan pek a duh caah a si.

III. Ti le zangfah ngeih
*********************
Pathian nih a zangfahnak ti in a kan toih cu ve bantukin ka ral le hna zong kha zangfahnak in ti in kan toih ve hna awk a si i rawl an herh ah cun rawl kan pe hna lai ti kan herh cu ti kan pe hna lai.
Pathian cu thetse cungah ti a luangter khawh,ti a um lo nak hmun ti a chuahter khawh,moses nih Israel mi hna a hruai hna lio ah lungcung in ti a chuak ter kho tu pathian,mi tenau te zong kha mi lianngan ah serkhotu pathian, a si
Phungthlukbia 25:21
Na ral kha a rawl a tam ahcun ei awk rawl va pe,A ti a hal ahcun din awk ti va pe;

1siangpahrang 18:4 Jezebel nih Bawipaprofet hna a thah hna ah khan, Obadiah nih profet 100 a lak hna i sawm nga sawm nga in lungkua ah a thuh hna i ti le rawl in a cawm hna).

Isaiah 44:3 “Ti a halmi ram kha ti ka pek lai i thetse ram ah khan tiva ka luanter hna lai.Nan tefa cu ka lianhngannak ka toih hna lai i
nan ciruang cu ka thluachuahnak
ka toih hna lai.

Biathlam 22:2-3)2 Cu tivakam ah cun nunnak thingkung cu a um i kum khat ah voi hleihnih, thla khat ah voi khat lengmang thei a tlai; cun a hnah cu miphun vialte hna caah damnak a si.3 Pathian nih chiat a serhmi thil paohpaoh cu, cu khua chungah cun an um kho lai lo.
Pathian bawithutdan le Tuufa bawithutdan cu khuapi chungah cun a um lai i a riantuantu hna nih khan an biak lai.

Psalm 63:1 Pathian Ka Ngai
(1Sam 23.14)David Hla
63:1 Maw Pathian, nangmah cu
ka Pathian na si,nangmah cu kan ngai.Ka nunnak nih hin an hlam i
ka thlarau nih tihal in an hal;vawlei ro nih ti a duh bantuk khin an duh.

1).Thlarau ram ti
*******************
Thlarau ram ti cu samaria minu kha Jesuh he an i ton tikah Jesuh nih samaria minu sining vialte kha chim hau loin a hmuh dih i samaria nu i a duh herh mi le a ningzah nak vialte kha a hngalh dih Jesuh ti a hal nak a si.cucu Jesuh nih minu kha khamh a duh i a harhnak le a ningzah nak chung in chanchuak i khamh a duh caah a si.samaria minu cu hlawhlawng nu a si i zeiruangah dah hlawh cu a hlang hnga i zei duh ah dah cu minu cu sualnak le thurhnawmnak cu a tuah ,a rawl ttamnak cu zeidah a si hnga ,a ti hal nak cu zeidah a si hnga,dor nak kawl duh ah le huphennak le khamhnak duh ah a si.kan mah zumhtu fa le zong cu Pathian nih a kan hal ve ?na ti a hal ve ?a ti a hal mi poah nih kan theih ding mi cu Jesuh sinah kal i zungzal nunnak ti va ding kha a si.
John 4:7-14)7 Samaria minu pakhat hi ti than awkah a ra i Jesuh nih cun, “Ti din khat in ka pe tuah,” tiah a rak ti. 8 A zultu hna cu rawl cawk awkah khua chungah khan an kal.9 Minu nih cun, “Nang cu Judah mi na si i kei cu Samaria mi ka si, zeitindah ti din awk na ka hal khawh?” tiah a leh. (Judah mi nih cun Samaria mi i an hmanmi khokheng kha hman an duh lo).
10 Jesuh nih cun, “Pathian nih pek an duhmi laksawng kha zeidah a si ti le, cun ti din awk an haltu hi ahodah a si ti kha hei hngal law cu, amah tu hi na hal hnga i nunnak ti kha an pek ko hnga,” tiah a ti.
11 Minu nih cun, “Bawipa, ti thannak thawl na ngeih tung lo. Tikhor tiah le a thuk fawn. Khuazei ah dah nunnak ti cu na hmuh lai? 12 Hi tikhor hi kan pu Jakob nih a kan pekmi a si; amah nih siseh, a fapale nih si hna seh, a satil run nih si hna seh, an rak dinmi tikhor cu hi tikhor hi a si. Jakob nak ngan deuh ah cun maw naa ruah?” tiah a leh.
13 Jesuh nih cun, “Hi ti a dingmi paoh cu an ti a hal than lai; 14 sihmanhsehlaw keimah nih ka pekmi ti a dingmi paoh cu zeitikhmanh ah an ti a hal than ti lai lo. Ka pekmi ti cu a chungah zungzal nunnak petu cerhtiput ah a cang lai,” tiah a ti.

John 7:37-39)
Nunnak Tiva
37 Puai donghnak ni kha a biapi bik ni a si. Cu ni ahcun Jesuh cu a dir i aw thang piin, “A ti a halmi paoh cu ka sinah ra u law ra ding u. 38 Cathiang nih, ‘Keimah a ka zummi paoh cu a lung chungin tiva nung an put lai,’ tiah a ti bantuk khan a si lai,” tiah a ti. 39 Jesuh nih a chim duhmi cu Thlarau kong kha a si, cu Thlarau cu amah a zummi paoh nih an hmuh ding kha a si. Cu caan ah cun Thlarau cu pek an si rih lo, zeicahtiah Jesuh cu sunparnak in thawhter a si rih lo.
Zekhariah 14:8 Cu ni ah cun Jerusalem in ti nung a chuak lai i a cheu cu nichuahlei rili ah a luang lai i a cheu cu nitlaklei rili ah a luang lai; thal le khuasik i dang loin a luang lai.

2). Ngaihthiamnak caah ti
***************************
Kan sual phuhrungnak chungin Pathian bia in le Pathian kha naih in kan sining tein kan sualnak senduk bang a sen mi kha thianh i khamhnak chungah kan um hnu le ka sining tein Pathian hmai ah phahthu loin Pathian sinah kan nunnak dihlak kan pek ah cun sual phuhrungnak um loin tein Pathian nih a fa ah a kan cohlang i a ttangah a kan pomh.na sualnak kha Pathian sin ah na phahthuh peng rih ko maw?pathian nih an ngak ko na sualnak nangmah le nangmah tein i phuang ding le na sual ning tein cohlang dingah.
EFESA 5:26 Khrihfabu cu ti in thiang tein a tawl hnuah Pathian sinah a bia in a pek.
Hebrew 10: 22 Cucaah cun lungthin tak le zumhnak fek he Pathian cu naih u sih. Sual aa phuhrungmi kan lungthin le kan pum kha ti thiang in i thianh u sih law amah cu naih u sih.
Tipil ing cu chiatha thleidannak thiang nih Pathian sin i biakamnak a tuahmi tu kha a si.
1peter 3: 21 cucu atu i nanmah an khamhtu hna tipil innak a rak sawhtu hi a si. Tipil innak cu pum hnawm kholh hi a si lo, chiatha thleidannak thiang nih Pathian sin i biakamnak a tuahmi tu hi a si. Tipil innak nih cun Jesuh Khrih thihnak in a thawh thannak thawngin an khamh hna i

3).Ti in i phumh
******************
Ti ah i phumh ti mi cu sualnak nan i ngeihchih nak caah a si i a hnu i a ra lai ding cu thiang thlarau le mei tipilnak kha a si a ti ,cu pa cu a kedan putu ding hmanah kaa tlak lo a ti.
Sual ngeihchihnak tipil cu Pa le fapa le thiang thlarau min in tipilnak ing kha a si i, cucu khamhnak le thianhternak cu a si i,bible nih ti a ti mi cu a si.
Jesuh min in tipilnak ing cu thiang tharau chungah phumh kha a si i cucu thlarau a ti mi kha a si.
Cu caah ti lawnglawng in vancung pennak nan lut lai a ti lo i ,thlarau lawnglawng in nan lut lai a ti ve lo ; ti le thlarau tu in a pahnih tu in vancung pennak phan khawh a si lai.
Ti lawnglawng in vancung pennak lut na timh sual maw? Thlarau lawnglawng in vancung pennak lut na timh sual maw? Ti he thlarau he hrin than na si cang maw?
John 3: 23 Johan zong kha Aenon ah khan tipilnak a pe ve hna, zeicahtiah cuka ah cun ti tampi a um. Aenon cu Salim in a hla lo. Mi cu amah sinah khan an va kal i tipilnak kha a rak pek hna.
John 3: 11 Nan sualnak nan i ngaihchih cang ti hngalhnak ah kei nih cun ti in tipilnak kan pek hna; sihmanhsehlaw ka hnu in a ra lai ding pa nih cun Thiang Thlarau le mei in tipilnak an pek hna lai. Amah cu keimah nakin tampi in a ngan deuh; kei cu a kedan putu hmanh ah kaa tlak lo.
Lamkaltu 8:36 An vung zuan lengmang lioah khin ti tlawmpal a rak umnak hmun pakhat kha an phan i cu tikah cu bawi nih cun aa thawh i, “Hika ah hin pei ti a um hi, zei nih dah tipil in a ka donh lai?” tiah a ti.
John 10: 47 “Hi mi hna nih hin Thiang Thlarau cu kanmah nih kan rak hmuh bantukte khan an hmuh ve. Cucaah ti in tipilnak in awkah aho nih an dawn kho hna hnga maw?” tiah a ti.

IIv. Ti le Thiang thlarau hmelchunnak
****************************
Jesuh nih a ti a hal mi poah cu ra ding uh a ti i ,ti hmelchunnak cu Jesuh khrih kha a si.Ti cu kan nunnak ah a herh bik mi a si.ti loin kan nung kho hna lo.Cu ve bantuk in vawlei kan nunnak ah hin Pathian tel loin a nung kho mi kan si lo.Pathian Jesuh kha a zummi poah cu kan lung chungah cu pathian Jesuh cu tiva nung bantuk in kan chungah kan i put kha a si.Jeuh nih a chim duh mi cu thlarau kong kha a si.Cu thlarau cu amah Jesuh a zumh mi poah nih an hmuh lai.Biakam hlun ah cun Pathian nih a mi Israel mi hna kha thiang thlarau in a toih hna lo ,thlarau thawnnak in lam a hruai hna ti kan hmuh bible ah a mi Israel mi hna kha thlarau thawnnak in lam a hruai hna. Biakam thar ah cun thiang thlarau mi a toih hna i a phunphun in rian tuan khawh nak a pek hna.
Kan minung sinak in kan ti a hal tikah tikik ding cu ti hal a diamter.minung kan nun diriamnak caah duhmi te hi ka ngei zungzal i cucu mi tampi zong a phunphun kan kawl zumhlo tu hna nih night club lam le zuu din, vawlei nuamhnak vawlei chawva sualnak phunzakip in an kawl ve nain a donghnak ah nunnak hrawhtu menmen a si.zumh tu fa le hna nih nun diriam nak kan kawl mi cu a mah Pathian kha a si i thiang thlarau in toih kan si hnu cun cu thiang thlarau nih kan nun kha lunglaemhnak in a khatter.
pathian thlarau toih kan si hnu cun thurhnawmhnak vialte le siasel thurhnawmhnak kha a kan thianh piak i, kan lungthin a hak mi kha a nem mi titsa batukin a kan pek than.
Nunnak Tiva
John 7:37 Puai donghnak ni kha a biapi bik ni a si. Cu ni ahcun Jesuh cu a dir i aw thang piin, “A ti a halmi paoh cu ka

Credit: Anna Sui Hlei Sung

Leave a Reply

Your email address will not be published. Required fields are marked *