Oops! It appears that you have disabled your Javascript. In order for you to see this page as it is meant to appear, we ask that you please re-enable your Javascript!

Teinak Le Hlawhtlinnak Hmuh A Duhmi Mino Nih Hlathlai Hrimhrim Ding Mi Skill Panga

What is skill? Skill timi cu zei dah a si? Repetition is the mother of skill. Voitam pi i zuam buin hlathlai mi fimnak kha skill tiah auh a si. Careltu nih a tu ka tial dingmi skill panga hi caan na ngeih rih ahcun i zuam buin na hlathlai, na kawl ding bak a si tiah ka ruah. Mah skill na cawn (kawl) nak thawngin hmailei na nun lamthluan ah thanchonak tampi le hlawhtlinnak an pek lai.

-Pakhatnak ah mah le mah i zumh nak skill (confidence skill) a si.
Nangmah te hmanh in na zumh lo ahcun na pawngkam minung nih na bia chim mi, na tuahmi rian kip ah an in zum lai lo. Cu caah nangmah le nangmah i zumh dingin nun i zuam.

-Pahnihnak ah publish speaking (mipi hmai ah biachim ningcang) a si.
Sianginn saya/mah le ram hruaitu hna khi kan mah bantuk minung an si ve i an chuah ka tein mihmai biachim a thiam cia in an chuak lo. An mah tein an i zuam, an hlathlai nak thawng in an thiammi a si. Ho poah nih mi hmai biachim cu tih dih cio mi a si nain biachim ningcang na cawn lengmang ahcun mipi hmai biachim na tih ti lai lo.

-Pathumnak cu listening skill (biangaihthiamnak skill)
Hruaitu tha si na duh ahcun na hruai mi hna nih an lungchung um mi bia an in chimh mi kha lungsau tein ngaih i zuam. “If you want to be a good leader you must be a great listener”.

-Palinak cu Leadership skill (Mi tampi hruai khawhnak skill)
Hruaitu ah hin hruaitu chia le hruaitu tha tiin pahnih then khawh a si. Cheukhat hruaitu cu an min lawng hruaitu an si, cucaah hruaitu si na duh ahcun hruaitu tha si i zuam. Tihzah upat awktlak mi hruaitu si i zuam.

-Panganak cu time management (manngei tein caan hman thiamnak skill)
Time is money. Caan cu tangka a si timi bia nan theih bal ko lai. Na caan kha tha tein na hman lo ahcun na phaisa a sawhsawh ah na hman he aa khat mi bak a si. A tak tak ahcun kan caan hi phaisa nak in a man fak deuh tuk mi a si, hmailei na nunnak ah hlawhtlinnak le teinak hmuh a duh mi na si ahcun a tu lio na caan hi man ngei tein hman i zuam. A hnu tuk lawngin nai zuam ah cun hlawhtlinnak taktak hmuh nak ah na duh tluk in na lam a tluang kho lai lo.

A cung i ka langhter mi hna hi Mino lawng si loin teinak le hlawhtlinnak hmuh a duh mi nih cawn le hlathlai i zuam hrimhrim ding a si.
Source: Dee Dee

 

 

Leave a Reply

Your email address will not be published. Required fields are marked *