Oops! It appears that you have disabled your Javascript. In order for you to see this page as it is meant to appear, we ask that you please re-enable your Javascript!

Travel Diary: 11 April, 2019 Camp/ Bangkok: By Victor Biak Lian

Travel Diary: 11 April, 2019
Camp/ Bangkok

Tukar hrawng Kawlram ke Thailand a khualinh cu celhawk tha lo a si. A thlihran zong a lum i a nuamlo ngai. Chiang Mai cu khuacan a tha tiah kan rak i nuamh ngai tawn mi a si na in, ka mit hmanh ka au kho lo. Lo mei an duah mi a khu nih a zualh. Temperature 42 degree Celsius tiang a phan i a hut in a kan hut ko.

Thilthar pakhat cu Maesot ah International airport thar an awn. BKK le Maesot flight pakhat te lawng nikhat ah voi 4 an kal ziah international airport cu an sak hnga tiah ka hlat tik ah Rangoon le Maesot an zuang than lai ti a si. Cu hlan ah Nokair nih an rak kal bal i an ngol than. A zuangti an tlawmtuk ca ah an ti. Cun Maesot le Tuluk ram Kunming zong flight a um cang lai ti a si hoi! A ruang an ka chimh mi cu Kawlram chung ah Karen hriamtlai ramri cawng ah an ser cang mi hna (BGF) nih Tuluk chawlet pawl he ramri ah Casino an ser cu ka ah cun Tuluk pawl Casino rak i celhnak deuh ah a si tiah an ka chimh. Cu cu si dawh a si. Casino celhnak hmun hi pa Myawaddy pawng hrawng ah 6 tluk a um cang. Shwe Koke ku hi a min thang mi a si an ti. Tuluk ramri ah cun Kawlram chung deuh Kachin, Kokang le Wa ram chung ah Casino cu a tam ngai i Tuluk mirum oawl an rak i celhnak cu a si deuh. A tu Thai ramri lei an rak i mer cang. Sidawh ngai a si tiah ka ruah.

Tulio kan daihnak lamthluan a tluanlonak sau cang kaw, zeidah kan lawh te hnga! Nihin KNU le cozah kei tonnak an tuah. An kan hlan te ah Maesot ah biaruahnak hna kan ngei ti hna tik ah, zei hnabeiseinak nganpi cu an nei lemlo. Sihmanhsehlaw, KNU cu a tu ah a nuar lio mi an si i nihin le thaizing an meeting nih zeidah a chuahpi te hnga ti kha cuanh cio a si. Zeipipa ngai cu ceih dawh an si rua lo. Ceihding ah an i phorhmi cu a rit ngai.

Hakha ah hriamtlai pawl Liaison Offices staff pawl meeting kan tuah lai kan ti na in, cozah nih an kan sianhlo ca ah Thai ramri ah kan va kal. Minung 150 tluk kan si kan i nuam ngai ve ko.

Tulio Kawl titoih puai lai si kaw, mitlung kal an tam ngai i ramri gate tan ding ah nazi 2 hngah a hau an ti.

Rangoon ka cam chung ah zingfatin Inya kanbaung ah lam ka va leng i cu cu ka nuam ngai. Deihlan 4-6 kar lengmang ka va kal i a nuam ngai ngai. Thailand nak in a thli a thiang deuh.

Dam te cio in!

Victor Biak Lian

Leave a Reply

Your email address will not be published. Required fields are marked *